បរទេស៖ គ្រូបង្វឹករបស់ក្លឹបមាន់ខ្នាយមាស Tottenham លោក Jose Mourinho បានចោទប្រកាន់ដល់ក្របខ័ណ្ឌ Premier League ថាមិនបានដោះស្រាយបញ្ហាប្រឈមប្រកបដោយមានជំនាញវិជ្ជាជីវៈជុំវិញការពន្យារពេលនៃការប្រកួតរបស់ពួកគេជាមួយក្រុមភ្ញៀវ Fulham។
អ្នកចាត់ការទូទៅសញ្ជាតិព័រទុយហ្គាល់វ័យ ក៏បានលើកឡើងដោយ ធ្វើការប្រៀបធៀបស្ថានភាពបែបនេះទៅនឹងអ្វីដែលរូបលោកបានធ្លាប់ជួបប្រទះក្នុងនាមជាគ្រូបង្វឹកយុវជនព័រទុយហ្កាល់វ័យអាយុក្រោម១៣ឆ្នាំផងដែរ។អតីតគ្រូបង្វឹក Chelsea, Man Utd រូបនេះបានសម្តែងនូវអារម្មណ៏ខកចិត្តបំផុតនោះគឺការកង្វះទំនាក់ទំនងពីសហព័ន្ធនិងថ្នាក់ដឹកនាំលីក ក្រោយពីបានរៀបចំប្រមូលផ្តុំក្រុមនៅទឹកដីខ្លួនឯត្រៀមស្វាគមន៏ភ្ញៀវជាមួយការរំពឹងទុកថាការប្រកួតត្រៀមដំណើរការទៅហើយនោះ។
ការសម្រេចចិត្តលើកពេលប្រកួតលីកកំពូលអង់គ្លេសនេះបានធ្វើឡើង៣ ម៉ោងមុនពេលការប្រកួតបានចាប់ផ្តើមដោយសារការឆ្លងកូវីត-១៩ នៅជំរុំហ្វឹកហាត់Cottage សម្រាប់ ក្លឹបដែលមានមូលដ្ឋាននៅទីក្រុងឡុងដ៏ដូចគ្នាមួយនេះ៕
