បរទេស៖ ក្រុមអធិរាជស Real Madrid បានឡើងមកឈរនៅទីកំពូលតារាង La Liga ជាមួយនឹងជ័យជម្នះលើក្រុមភ្ញៀវ Celta Vigo ក្នុងលទ្ធផល២ទល់និង០សម្រាប់ការប្រកួតកាលពីថ្ងៃ សៅរ៏ទី២មករាឆ្នាំ២០២១នៅកីឡាដ្ឋាន Santiago Bernabeu សម្រាប់សប្តាហ៏ទី១៧ ។
ក្រុមការពារតំណែងជើងឯកមិនស្គាល់ចាញ់សោះចាប់តាំងពីថ្ងៃទី ២១ ខែវិច្ឆិកាកន្លងទៅនេះ។ ការចាប់ផ្តើម៦ នាទីមិនទាន់បានស្រួលបួលផងខ្សែបម្រើ Lucas Vazquez បានតែតបញ្ចូលទីនាំមុខ មុនដោយការបញ្ចូនបាល់របស់ Marco Asensio មុនពេល Asensio រកបានគ្រាប់បាល់ទី ក្រោយការបញ្ចូនបាល់របស់ Vazquez វិញម្តងនៅនាទីទី ៥៣ចូលដល់តង់ទី២។
Celta Vigo បានបាត់បង់អ្នកស៊ុតបាល់បញ្ចូលទីច្រើនជាងគេនៅ La Liga គឺ Iago Aspas បានរងរបួសនៅដើមតង់ទី ២ ដែលជាផលប៉ះពាល់មួយសំខាន់សម្រាប់ក្រុម សម្រាប់ការប្រកួតបន្ទាប់ ទៀត។ ជ័យជម្នះបានជួយ ឲ្យ ក្រុម Real Madrid មានគម្លាត ១ ពិន្ទុ លើក្រុម Atletico Madrid ដែលមាន ៣ ប្រកួតនៅក្នុងដៃ ហើយត្រូវធ្វើដំណើរទៅសួរសុខទុក្ខ Alaves នៅថ្ងៃអាទិត្យនេះ៕
ប្រភពព័ត៍មាន៖ BBC
