បរទេស៖ Barcelona បានរកឃើញជ័យជំនះរបស់ខ្លួនក្រោយផ្តួលក្រុមបាតតារាង Huesca ក្នុងលទ្ធផល១ទល់និង០ ស្របពេលប្រធានក្រុមអ្នកមានបុណ្យ Barcelona វ័យ៣៣ឆ្នាំ Lionel Messi បានវិលត្រឡប់មកជួយក្រុមដោយបង្កើតឪកាសអោយខ្សែបម្រើកណ្តាលអន្តរជាតិហូឡង់ Frankie De Jong មានឪកាសរកបានគ្រាប់បាល់ស៊ុតបញ្ចូលទីចាប់តាំងពីតង់ទី១នាទីទី២៧មកម្លេះ។
វាគឺជាការបង្ហាញខ្លួនចួនលេងក្នុងការប្រកួតលើកទី ៧៥០ប្រកួត របស់ Messi សម្រាប់ ក្រុមយក្សកាតាឡាន់ និងជាលើកទី ៥០០ ប្រកួតនៅលីកកំពូលអេស្បាញ La Liga ។ ជាលទ្ធផល Barcelona សមនឹងទទួលបានជ័យជំនះបន្ទាប់ពីកីឡាករឆ្នើមៗដូចជាៈ Messi, Ousmane Dembele និង Pedri សុទ្ធតែបានប្រឹងប្រែងបញ្ចេញសមត្ថភាពរកគ្រាប់បាល់ស៊ុតបញ្ចូលទីខណៈអ្នកចាំទី Alvaro Fernandez បានបង្ហាញទម្រង់លេងល្អ និងមានការងារធ្វើយ៉ាងច្រើននៅក្នុងការប្រកួតនេះយ៉ាងណាក៏ដោយ។
ជ័យជំនះនេះនៅតែធ្វើអោយក្រុមលោក Ronald Koeman មានគម្លាត១០ពិន្ទុ ពីក្រុមកំពូលតារាង AT Madrid គិតត្រឹមសប្តាហ៏ទី១៦របស់ពួកគេ Barcelona ទើបតែខកខានឪកាសរកបាន៣ពិន្ទុក្រោយខកបំណងបានត្រឹមស្មើក្នុងលទ្ធផល ១ទល់និង១ កាលពីថ្ងៃអង្គារដើមសប្តាហ៏ជាមួយក្រុម Eibar៕
ប្រភពព័ត៍មាន៖ BBC