បរទេស៖ ម្ចាស់ក្លឹបតោខៀវ Chelsea លោក Roman Abramovich ចង់បានអតីតខ្សែប្រយុទ្ធក្រុមតោខៀវ Chelsea កីឡាករ Andriy Shevchenko មកធ្វើជាគ្រូបង្វឹកជំនួសតំណែង លោក Frank Lampard ប្រសិនក្លឹបសម្រេចចិត្តចែកផ្លូវគ្នាជាមួយអ្នកចាត់ការទូទៅសញ្ជាតិអង់គ្លេសរូបនេះយោង គេហទំព័រ Le10 Sport បានចុះផ្សាយ។
គួរបញ្ជាក់ថាក្លិបដែលមានមូលដ្ឋាននៅភាគខាងលិចទីក្រុងឡុងដ៍បានបន្តចាញ់បួនប្រកួតក្នុងចំណោម ៦ប្រកួតចុងក្រោយនៃលីគកំពូលអង់គ្លេសហើយបានធ្លាក់មកឈរនៅលេខរៀងទី ៨ក្នុងតារាង បន្ទាប់ពីការចាប់ផ្តើមរដូវកាលដំបូងយ៉ាងណាស្ថិតនៅចំនាត់ថ្នាក់ក្រុមកំពូលទាំង៤នោះ។
Shevchenko បច្ចុប្បន្នមានវ័យ ៤៤ឆ្នាំបានចំណាយពេល ១ ឆ្នាំកន្លះលេងនៅ Chelsea ក្នុងឆ្នាំ ២០០៦និងបានវិលត្រលប់ទៅអតីតក្លឹប AC Milan វិញនៅពាក់កណ្តាលរដូវកាល ២០០៧-២០០៨ មុនពេលផ្លាស់ទៅក្លឹបនៅស្រុកកំណើត Dynamo Kyiv ជាអចិន្រ្តៃយ៍ផងដែរ។ ជាកីឡាករ Schevchenko បានទទួលបន្ទុកដឹកនាំក្រុមជម្រើសជាតិអ៊ុយក្រែនចាប់តាំងពីឆ្នាំ ២០១៦ហើយថ្មីៗនេះបានដឹកនាំក្រុមនេះឈានដល់វគ្គជម្រុះយូរ៉ូ ២០២០ដោយមិនទាន់ចាញ់នោះទេ៕
ប្រភពព័ត៍មាន៖ Metro
