បរទេស៖ ខ្សែប្រយុទ្ធ Son Heung-min បានជួយឲ្យក្រុម Tottenham ឈានទៅប្រកួតដណ្តើមពាន League Cup វគ្គផ្តាច់ព្រ័ត្រ ខណៈដែលគ្រាប់បាល់កាត់សេចក្តីរបស់តារាឆ្នើមអន្តរជាតិកូរ៉ូណាខាងត្បូងរូបនេះ បានជួយឲ្យក្រុមខ្លួនដណ្តើមបានជ័យជម្នះក្នុងលទ្ធផល ២-០ លើក្រុម Brentford របស់ក្របខ័ណ្ឌ Championship កាលពីថ្ងៃអង្គារ។
កីឡាករ Moussa Sissoko បានជួយឲ្យក្រុមរបស់លោក Jose Mourinho មានគ្រាប់បាល់នាំមុខមុន ក្នុងការប្រកួតវគ្គពាក់កណ្តាលផ្តាច់ព្រ័ត្រ នៅកីឡដ្ឋាន Tottenham Hotspur។ ប៉ុន្តែ ក្រុម Tottenham នៅតែប្រឈមមុខនឹងការជួបការខកចិត្តនៅពេលប្រកួតជាមួយនឹងក្រុមពោរពេញដោយស្មារតីប្រយុទ្ធ Brentford នៅមុនពេល Son បានស៊ុតបាល់បំប៉ោងសំណាញ់ទីក្នុរយៈពេល២០នាទីចុងក្រោយ។ ក្រុម Tottenham នឹងត្រូវប៉ះជាមួយនឹងក្រុម Manchester United ឬក្រុមម្ចាស់ការពារជើងឯក Manchester City នាកីឡដ្ឋាន Wembley នៅថ្ងៃទី២៥ ខែមេសា ខណៈដែល Man City និង Man Utd នឹងត្រូវជួបគ្នានៅរាត្រីនេះ ក្នុងការប្រកួតវគ្គពាក់កណ្តាលផ្តាច់ព្រ័ត្រ១គូផ្សេទៀត។
នេះនឹងក្លាយជាការបង្ហាញខ្លួនក្នុងវគ្គផ្តាច់ព្រ័ត្រជាលើកទី១របស់ Spurs បើគិតចាប់តាំងពីចាញ់ក្រុម Chelsea ក្នុងការប្រកួតពាន League Cup វគ្គផ្តាច់ព្រ័ត្រកាលពីឆ្នាំ២០១៥ ហើយវាក៏ជាការបង្ហាញខ្លួនក្នុងវគ្គផ្តាច់ព្រ័ត្រជាលើកដំបូងផងដែរ បើសរុបក្នុងព្រឹត្តិការណ៍ទាំងអស់ បើគិតចាប់តាំងពីឈានទៅប្រកួតក្របខ័ណ្ឌ Champions League វគ្គផ្តាច់ព្រ័ត្រ កាលពីឆ្នាំ២០១៩៕
ប្រភពព័ត៌មាន៖ Channel News Asia