បរទេស៖ Lionel Messi បានរកគ្រាប់បាល់ស៊ុតបញ្ចូលទី ២ គ្រាប់ខណៈក្រុមអ្នកមានបុណ្យ Barcelona បានវាយបកផ្តួលក្រុមម្ចាស់ផ្ទះ Athletic Bilbao ដើម្បីឡើងទៅឈរនៅចំណាត់ថ្នាក់ទី ៣ នៅ លីកកំពូលអេស្បាញLa Liga កាលពីយប់ថ្ងៃពុធ ។
ក្រុមម្ចាស់ផ្ទះបានប្រើពេលវេលាមិនដល់៤នាទីស្រួលបួលផង មានឪកាសរកបានគ្រាប់បាល់ស៊ុតបញ្ចូលទីយ៉ាងល្អដោយកីឡាករ Williams មុនពេលGonzalez មានឪកាសវាយបកតាមស្មើវិញនៅនាទីទី១៤។ ប្រធានក្រុមវ័យ៣៣ឆ្នាំ Messi មានឪកាសរកគ្រាប់បាល់នាំមុខអោយក្រុមភ្ញៀវ នៅនាទីទី៣៨ និង និងបន្ថែមគ្រាប់បាល់ទី២ បន្តទៀត ក្រោយការបញ្ចូនបាល់ពីសំណាក់កីឡាករPedri និងGriezmann ខណៈអ្នកចាំទីUnai Simonមានការងារធ្វើ និងជួយសង្គ្រោះបាល់បានច្រើនយ៉ាងណាក៏ដោយ។មុនបញ្ចប់ការប្រកួតកីឡាករMuniain មានឪកាស រកគ្រាប់បាល់តាមពីក្រោយ១គ្រាប់ទៀតនៅនាទីទី៩០។បញ្ចប់ការប្រកួត At.Bilbao ២:៣ Barcelona ។
ជ័យជម្នះសប្តាហ៏ទី១៧នេះធ្វើឱ្យក្រុមលោក Ronald Koeman ឈរលើលេខរៀងទី៣ ស្មើ និង ក្រុម Real Sociedad និង Villarreal ខណៈ ពួកគេគម្លាត ៥ ពិន្ទុនៅពីក្រោយក្រុមលេខ២ Real Madrid និង ៧ ពិន្ទុរបស់ក្រុម Atletico Madrid (ដែលមាន ២ ប្រកួតនៅក្នុងដៃ)៕
ប្រភពព័ត៍មាន៖ BBC