បរទេស៖ ក្លឹបយក្សនៅអុីតាលី Inter Milan ចាប់អារម្មណ៍ចង់នាំយកខ្សែបម្រើ Jesse Lingard របស់ក្លឹបបិសាចក្រហម Manchester United ទៅកាន់ទឹកដី San Siro ក្នុងលក្ខខណ្ឌខ្ចីជើង។
ខ្សែបម្រើវ័យ២៨ឆ្នាំរូបនេះបានជួយអោយ Manchester United យកឈ្នះឡើងក្រុម Watford ដោយលទ្ធផល១ទល់នឹង០កាលពីយប់ថ្ងៃសៅរ៍ ក្នុងពានរង្វាន់ FA Cup។ Lingard នៅមិនទាន់បង្ហាញខ្លួនក្នុងក្របខណ្ឌ Premier League បានម្តងនៅឡើយទេ សម្រាប់រដូវកាលនេះ ប៉ុន្តែទោះបីជាយ៉ាងណាកុងត្រាបច្ចុប្បន្នរបស់កីឡាកររូបនេះជាមួយនឹង Man Utd ត្រូវផុតកំណត់នៅរដូវក្តៅឆ្នាំ២០២២ឯណោះ។
បើយោងទៅតាម The Mirror, លោក Antonio Conte បានកោតសរសើរនឹងសមត្ថភាពរបស់ខ្សែបម្រើរបស់ Man Utd រូបនេះ ហើយអតីតគ្រូបង្វឹកក្លឹប Chelsea មានគោលបំណងចង់នាំយកកីឡាកររូបនេះទៅកាន់ទឹកដី San Siro ក្នុងលក្ខខណ្ឌខ្ចីជើង៕
ប្រភពព័ត៍មាន៖ Sportsmole