បរទេស៖ Newcastle United បានដកខ្លួនចេញពីការប្រណាំងប្រជែងដើម្បីចុះហត្ថលេខាខ្ចីជើង Jesse Lingard ពីក្រុម Man. Utd សម្រាប់ការប្រកួតដែលនិងបន្តនៅយុទ្ធនាការរដូវកាល២០២១-២០២២ យោងគេហទំព័រ Sky Sports News បានចុះផ្សាយ។ក្រុមរហស្សនាមសារិកាព្រៃបានបង្ហាញពីការពេញចិត្តពេញថ្លើមក្នុងការផ្ទេរយកកីឡាករអន្តរជាតិអង់គ្លេសមកកាន់ទឹកដី St.James Park ក្រោយពីអាណាព្យាបាលគឺ Man United បានច្រានចោលការផ្តល់សំណើរពីសំណាក់ក្លឹបគូប្រជែងរួមទីក្រុងឡុងទាំងពីរគឺ West Ham United និង Tottenham Hotspur ។
ប្រភពបន្តថាៈភាគីរបស់គ្រូបង្វឹកលោក Eddie Howe មិនបានត្រៀមលក្ខណៈដើម្បីផ្តល់សំណើរខ្ចីជើងដែលMan United ទាមទារនោះទេ ដូច្នេះកិច្ចព្រមព្រៀងដែលបានស្នើឡើងគឺឈានដល់ទីអវសាន្តហើយ ។ សម្រាប់អតីតយុវជនថ្នាលLingard បានឈានចូលដល់កុងត្រារយៈពេលប្រាំមួយខែចុងក្រោយនៃកិច្ចសន្យារបស់ខ្លួននៅទឹកដី Old Trafford ដោយរំពឹងថានឹងចាកចេញពីម្ចាស់ជើងឯកអង់គ្លេស២០ សម័យ ដោយគ្មានតម្លៃខ្លួននៅពេលបញ្ចប់រដូវកាលនេះហើយ។
កីឡាករវ័យ ២៩ ឆ្នាំរូបនេះរកបានគ្រាប់បាល់ ២គ្រាប់និងបង្កើតឪកាសបញ្ចប់ទី១លើក ក្រោយបង្ហាញខ្លួនបាន១៤ ដងសម្រាប់ Man.United នៅរដូវកាលនេះ។ទោះយ៉ាងណាLingardបង្ហាញខ្លួនបានតែ៨៨នាទី ប៉ុណ្ណោះនៃការប្រកួតបាល់ទាត់ក្របខ័ណ្ឌ Premier League នៅរដូវកាលនេះ៕
ប្រភពព័ត៍មាន៖ Sportsmole