បរទេស៖ អតីតវីរបុរសបិសាចក្រហម Manchester United លោក Rio Ferdinand ជឿជាក់ថាខ្សែប្រយុទ្ធចំណូលថ្មីរបស់ Man Utd កីឡាករ Amad Diallo គឺមានភាពប្រហាក់ប្រហែលគ្នាជាមួយនឹង Cristiano Ronaldo។
Ferdinand បាននិយាយថា “ពួកយើងបានទិញយុវជនម្នាក់ពី Atalanta ហើយសង្ឃឹមថារូបគេនឹងជួយក្រុមបានច្រើន។ ខ្ញុំមិនចង់យកគេទៅប្រៀបធៀបជាមួយនឹង Cristiano Ronaldo ទេ ដែលវាអាចជាសម្ពាធដល់រូបគេ ប៉ុន្តែមិនមាននរណាម្នាក់ស្គាល់ Ronaldo ឡើយ ហើយប្រសិនបើអ្នកមើលទៅវីដេអូរបស់ Amad Diallo និងស្តាប់គេនិយាយអំពីទេពកោសល្យរបស់គេ ខ្ញុំជឿជាក់ថាក្មេងម្នាក់នេះនឹងក្លាយជាកីឡាករលំដាប់ពិភពលោកម្នាក់ ប្រសិនបើគេព្យាយាម”។
គួរបញ្ចាក់ផងដែរថាក្លឹបបិសាចក្រហម Manchester United បានចុះកុងត្រាយកខ្សែប្រយុត្ធវ័យក្មេង Amad Diallo របស់ Atalanta ក្នុងតម្លៃ៣៧លានផោនកាលពីដើមរដូវកាលនេះ ប៉ុន្តែដោយសារមានបញ្ហារឿងលិខិតឆ្លងដែន ទើបរូបគេត្រូវពន្យាពេលរហូតដល់ខែមករានេះទើបអាចចូលរួមជាមួយនឹង Man United បាន៕
ប្រភពព័ត៍មាន៖ One Football
