បរទេស៖ ម្ចាស់ជើងឯកក្របខណ្ឌ Premiership ស្កុតឡែន Rangers បានប្រកាសពីការខ្ចីជើងកីឡាករ Amad Diallo ពីក្រុមបិសាចក្រហម Man. United រហូតដល់ចប់រដូវកាលនេះ។ខ្សែបម្រើ-ប្រយុទ្ធស្លាបស្លាបវ័យ ១៩ ឆ្នាំបានបង្ហាញខ្លួនចំនួន ៩ ដងសម្រាប់ក្រុមឈុតធំរបស់ក្លឹបនឹងអាចចូលលេងក្នុងការប្រកួតលីកកំពូឡនៅថ្ងៃសៅរ៍ជាមួយ Ross County ។
ថ្លែងទៅកាន់គេហទំព័រផ្លូវការរបស់ក្លឹប Diallo បាននិយាយថា: «ខ្ញុំរីករាយដែលបានចូលរួមជាមួយ Rangers រហូតដល់ចុងបញ្ចប់នៃរដូវកាលនេះ ដោយ ទន្ទឹងរង់ចាំការហ្វឹកហាត់ជាមួយមិត្តរួមក្រុមជាលើកដំបូងនៅថ្ងៃស្អែកជាមួយការជួបអ្នកគាំទ្រជាលើកដំបូងផងដែរ»។ លោក Giovanni van Bronckhorst គ្រូបង្វឹក Rangers បានបន្ថែមថា «ខ្ញុំពិតជារីករាយក្នុងការបន្ថែម Amad ទៅក្នុងក្រុមរបស់យើងសម្រាប់រដូវកាលដែលនៅសល់។ គាត់គឺជាកីឡាករដែលខ្ញុំបានដឹងមួយរយៈមកហើយ ហើយនៅពេលដែលឱកាសក្នុងការចុះហត្ថលេខាលើគាត់បានកើតឡើង ពួកយើងពិតជាចង់ធ្វើវាឱ្យកើតឡើង»។
គាត់នឹងបន្ថែម និងផ្តល់នូវការប្រកួតប្រជែងកាន់តែច្រើននៅតំបន់ប្រយុទ្ធ។ Rangers ក៏បានបញ្ជាក់ផងដែរថាពួកគេបានទទួលយកការផ្តល់ជូនសម្រាប់តម្លៃដែលមិនបានបង្ហើបប្រាប់អោយដឹង ពីសំណាក់ក្លឹប កំពុងលេងនៅក្របខណ្ឌលីកលំដាប់ទីពីរគឺ Birmingham City សម្រាប់ការផ្ទេរជាអចិន្ត្រៃយ៍របស់ខ្សែបម្រើ Juninho Bacuna ផងដែរ៕
ប្រភពព័ត៍មាន៖ Spoprtsmole