បរទេស៖ Atletico Madrid នៅតែបន្តភាពខ្លាំងរបស់ពួកគេ ដើម្បីឈរនៅកំពូលតារាងលីកកំពូល La Liga ដោយបង្កើនគម្លាត៤ពិន្ទុក្រោយផ្តួល Sevilla ក្នុងលទ្ធផល ២ទល់និង០ កាលពីយប់ថ្ងៃអង្គារម្សិលមិញនេះ។
ក្រុមរបស់លោក Diego Simeone មានឪកាសរកគ្រាប់បាល់នាំមុខដោយកីឡាករ Angel Correa បន្ទាប់ពីការបញ្ជូនបាល់របស់កីឡាករ Kieran Trippier នៅនាទីទី១៧។ គ្រាប់បាល់ទី២គឺកើតមានឡើងដោយការស៊ុតបញ្ចូលទីរបស់កីឡាករខ្សែបម្រើ Saul Niguez នៅនាទីទី ៧៦។
វាជាការបរាជ័យលើកទី ១ ក្នុងចំណោម ១០ ប្រកួតចុងក្រោយ សម្រាប់ម្ចាស់ជើងឯក Europa league ដែលបច្ចុប្បន្នឈរនៅ ចំណាត់ថ្នាក់លេខ ៦ ក្នុងតារាង។ ពេលនេះក្រុម Atletico មាន ៤១ ពិន្ទុពី ១៦ ប្រកួតនិងមានគម្លាត ៤ ពិន្ទុពីក្រុម លេខ ២ Real Madrid ( មាន២ប្រកួតក្នុងដៃទៀត )៕
ប្រភពព័ត៍មាន៖ BBC
