បរទេស៖ ពិតណាស់ ក្រុម Chelsea មានកំណត់ត្រាយ៉ាងល្អនៅពេលដែលក្រុម Fulham ប៉ុន្តែ Frank Lampard ដែលជាអ្នកចាត់ការទូទៅ បានបញ្ជាក់ថា លោកនឹងមិនមើលស្រាលគូប្រកួតដែលស្ថិតនៅភាគខាលិចទីក្រុងឡុងដ៍មួយនេះឡើយ ខណៈដែលពួកគេសម្លឹងរកការផ្លាស់ប្តូររដូវកាលរបស់ពួកគេ។
Fulham បានផ្តួលក្រុម Chelsea ត្រឹមតែ១លើកគត់ក្នុរាល់យុទ្ធនាការទាំងស់ បើគិតចាប់តាំពីឆ្នាំ១៩៨០ ពោលគឺការដណ្តើមបានជ័យជម្នះ ១-០ ក្នុងការប្រកួតក្របខ័ណ្ឌលីកកាលពីឆ្នាំ២០០៦។ ក្រុមរបស់លោក Scott Parker កំពុងតែស្ថិតក្នុងតំបន់កាត់ចោលក្រោយីបានរងបរាជ័យក្នុងការប្រកួតបើកឆាកទាំង១១លើករបស់ខ្លួន ប៉ុន្តែ មិនស្គាល់ចាញ់សោះក្នុងចំណោមការប្រកួត៥លើកចុងក្រោយរបស់ពួកគេ ក្នុងនោះរាប់បញ្ចូលទាំងការដណ្តើមបានលទ្ធផលស្មើ ១-១ ជាមួយនឹងក្រុម Liverpool កាលពីខែមុន និងក្រុម Tottenham Hotspur កាលពីថ្ងៃពុធផងដែរ។
លោក Lampard បានប្រាប់អ្នកយកព័ត៌មានកាលពីថ្ងៃព្រហស្បតិ៍ថា៖ «ក្រុម Fulham កំពុងតែលេងបានយ៉ាងល្អ។ ពួកគេបានលេងយ៉ាងល្អពេលប្រកួតជាមួយនឹងក្រុម Tottenham កាលពីយប់មិញ ក្នុងការប្រកួតមួយដែលពួកគេប្រហែលជាគិតថា ពួកគេគួរតែឈ្នះ។ នោះគឺជាទម្រង់លេងនាពេលថ្មីៗនេះ របស់ពួកគេ ហេតុនេះ ខ្ញុំគិតថា ប្រវត្តិសាស្ត្រ គ្មានន័យអ្វីឡើយ។ ពួកគេមានភាពខ្លាំងក្នុងក្រុមទាំងមូល។ ពួកគេបានទទួលលទ្ធផលស្មើជាមួយនឹងក្រុម Liverpoool និង Tottenham។ នេះនឹងក្លាយជាការប្រកួតដ៏តានតឹងមួយនេះ»៕
ប្រភពព័ត៌មាន៖ Channel News Asia