បរទេស៖ Macus Rashford ទើបតែទទួលបានពានរង្វាន់ពីសមាគមអ្នកនិពន្ធបាល់ទាត់កាលពីថ្ងៃព្រហស្បតិ៍សម្រាប់ការងារមនុស្សធម៌សម្រាប់ជំនួយសប្បុរសដែលផ្តល់អាហាររូបត្ថម្ភដល់កុមារនាពេលកន្លងមក។ ក៏ឡាករវ័យ២៣ឆ្នាំរូបនេះបានបង្ហើបរឿងសំខាន់បំផុតមួយដែលរូបគេមានការសោកស្តាយរឿងសំខាន់បំផុតក្នុងអាជីពជាកីឡាករបាល់ទាត់នោះគឺ ការដែលមិនបានលេងក្រោមការដឹកនាំរបស់កំពូលគ្រូបង្វឹក Sir Alex Ferguson។
ទោះយ៉ាងណាកីឡាករអន្តរជាតិអង់គ្លេសរូបនេះ បានបង្ហាញខ្លួនក្នុងឈុតធំជាលើកដំបូងរយៈពេលពីរឆ្នាំបន្ទាប់ពីការចូលនិវត្តន៍របស់គ្រូ បង្វឹកប្រវត្តិសាស្រ្តដែលមានប្រវត្តិដឹកនាំក្លឹបដ៏អស្ចារ្យ មួយនេះ។ Rashford បានបញ្ជាក់ប្រាប់យ៉ាងដូច្នេះថា៖ “ខ្ញុំគិតថារឿងដែលខ្ញុំសោកស្តាយបំផុតក្នុងអាជីពរបស់ខ្ញុំប្រហែលជាកាលដែលមិនបានលេងក្រោមការដឹកនាំរបស់លោក Sir Alex Ferguson”។
គួរបញ្ជាក់ថាបុរសសញ្ជាតិស្កុតឡេនដ៏លោក Ferguson បានចំណាយពេល២៧ឆ្នាំ ចូលមមកដឹកនាំនៅកីឡាដ្ឋាន Old Trafford ពីឆ្នាំ ១៩៨៦ ដល់ឆ្នាំ ២០១៣ ដោយដឹកនាំក្រុមឈ្នះពានលីកកំពូលអង់គ្លេស ១៣សម័យ និង Champions League ចំនួនពីរលើកផងដែរ។ទោះយ៉ាងណាក្រោយពីរូបលោកចូលនិវត្តន៏ក្លឹមិនដែលស្គាល់រសជាតិឈ្នះពានទាំងពីរនេះនៅឡើយទេ៕
ប្រភពព័ត៍មាន៖ Goal
