បរទេស៖ Paul Scholes បានជំរុញឱ្យលោក Ole Gunnar Solskjaer ចុះហត្ថលេខាទិញ ខ្សែការពារកណ្តាល Leicester City កីឡាករ Wesley Fofana មកកាន់ក្រុម Man United កំលុងពេលទីផ្សារដោះដូរកីឡាករកំពុងបើកដំណើរការលើកទី២នៅខែមករា២០២១នេះ ។
ទោះបីជា Harry Maguire និង Eric Bailly បានបង្កើតភាពជាដៃគូដ៏រឹងមាំសម្រាប់ Man United ក្នុងរយៈពេលប៉ុន្មានសប្តាហ៍ចុងក្រោយនេះខណៈដែល Victor Lindelof បាននិងកំពុងតស៊ូជាមួយនឹងបញ្ហារបួសខ្នងនៅរដូវកាលនេះ។ ប៉ុន្តែអតីតខ្សែបម្រើ អន្តរជាតិជាតិអង់គ្លេស Scholes ជឿជាក់ថា Man United មិនគួរពឹងផ្អែកលើ Bailly ពេកនោះទេក៏ព្រោះតែរូបគេក៏ឧស្សាហ៏ជួបបញ្ហារបួសផងដែរ។
អតីតខ្សែបម្រើដែលមានជំនាញស៊ុតបាល់ពីចំងាយបានបញ្ជាក់ច្បាស់ៗថា Fofana កីឡាកក្រុមជម្រើសជាតិបារាំងវ័យក្រោម២១ឆ្នំាដែលផ្ទេរពី Saint-Etienne មក Leicesterក្នុងតម្លៃ ៣៦.៥លានផោនកាលពីដើមរដូវកាលគឺជាចម្លើយចំពោះវិបត្តិតំបន់ការពាររបស់លោក Solskjaer ។ Scholes បន្តថាៈ មុននិងយើងចង់ឈ្នះពានវាផ្តើមចេញពីជ័យជំនះលើ Liverpool គឺជាមួយលទ្ធផល ១ទល់និង០ ឬ ២ទល់និង១ ហើយនោះវាអាចជាពេលវេលាបង្ហាញពីចំនុចខ្លាំងនៅតំបន់ការពារ៕