បរទេស៖ គ្រូបង្គោលក្លឹប Manchester United លោក Ole Gunnar Solskjaer បានអះអាងក្នុងសន្និសិទ្ធកាសែតថាក្លឹបនៅមិនសម្រេចចិត្តផ្តល់កិច្ចសន្យាអោយខ្សែបម្រើ Juan Mata នៅឡើយទេ ខណៈកុងត្រាបច្ចុប្បន្នរបស់គេនៅសល់តែ៦ខែទៀតប៉ុណ្ណោះ។
លោក Ole Gunnar Solskjaer បាននិយាយថា៖ «វាគឺជាពេលវេលាដ៏លំបាកក្នុងការពិភាគ្សាកុងត្រាថ្មីជាមួយនឹង Juan Mata។ អ្នកទាំងអស់ដឹងអំពីទេពកោសល្យរបស់រូបគេ រាល់ពេលដែលគាត់ចូលលេងគាត់តែងតែរកគ្រាប់បាល់បាន ខណៈបច្ចុប្បន្នមានកីឡាករ២នាក់ដូចជា Greenwood ហើយ Pogba ដែលលេងនៅរ៉ូលរបស់ Mata។ ហើយបច្ចុប្បន្នពួកយើងនៅមិនទាន់សម្រេចចិត្តនៅឡើយទេ»។
Juan Mata បានបង្ហាញខ្លួន២៦៤ដងអោយក្លឹបបិសាចក្រហម Manchester United ដោយអាចរកបាន៥០គ្រាប់ និង៤៧ Assists ដោយបានជួយអោយ Man Utd ឈ្នះ Europa League, FA Cup និង EFL Cup តាំងពីរូបគេចូលរួមជាមួយនឹង Man Utd តាំងពីឆ្នាំ២០១៤៕
ប្រភពព័ត៍មាន៖ Sportsmole
