បរទេស៖ លោក Andrea Pirlo បានឈ្នះពានជាលើកដំបូងរបស់លោកក្នុងនាមជាគ្រូបង្វឹក កាលពីថ្ងៃពុធ ខណៈដែលក្រុម Juventus បានផ្តួលក្រុម Napoli ក្នុងលទ្ធផល ២-០ ក្នុងការប្រកួតពានអ៊ីតាលី Super Cup។
ខ្សែប្រយុទ្ធ Cristiano Ronaldo រកបានគ្រាប់បាល់ទី២០របស់គេនៅរដូវកាលនេះ ក្រោយពីការស៊ុតបាល់ចេញពីជ្រុងនៅនាទី ទី៦៤ នៅមុនពេល Lorenzo Insigne ប្រធានក្រុមនៃក្រុម Napoli បានស៊ុតបាល់ប៉េណាល់ទីមិនចូឡទី ហើយខ្សែប្រយុទ្ធ Alvaro Morata បានបំពេញជ័យជម្នះរបស់ក្រុមខ្លួននៅជិតបញ្ចប់ការប្រកួតតែម្តង។ លោក Pirlo វ័យ៤១ឆ្នាំ បានឈ្នះពានជាលើកដំបូងរបស់លោកក្នុងរយៈពេល៥ខែ ក្រោយពីចូលកាន់តំណែងជាគ្រូបង្វឹកនៅអតីតក្លិបរបស់លោក។ លោក Pirlo ដែលបានលើកពាននេះ៣លើកក្នុងនាមជាកីឡាករជាមួយនឹងក្លិប Juventus និង AC Milan នោះ បានឲ្យដឹងថា៖ «ការឈ្នះពានជាលើកទី១ក្នុងនាមជាគ្រូបង្វឹក ពិតជារឿងដ៏គួរឲ្យរីករាយណាស់។ អារម្មណ៍រីករាយពិតជាខុសគ្នាពេលស្ថិតជាកីឡាករ ដោយពេលនេះ វាកាន់តែរំភើបបន្ថែមទៀត»។
Juventus បានឈ្នះពានប្រចាំឆ្នាំមួយនេះ ដែលការប្រកួតរវាងក្រុមម្ចាស់ជើងឯកលីក និងជើងឯក Italian Cup ចំនួន៩លើក ក្រោយពីបានបញ្ចប់ត្រឹមតែជើងឯករងបន្ទាប់ពីក្រុម Lazio កាលពីឆ្នាំមុន៕
ប្រភពព័ត៌មាន៖ Channel News Asia