បរទេស៖ ក្រុមបិសាចក្រហម Man United កំពុងដុតដៃដុតជើងត្រៀមបញ្ចេញកីឡាករ ៧ នាក់ក្នុងដំណាក់កាលចុងក្រោយនៃទីផ្សារដោះដូរកីឡាករដែលកំពុងបើកជាលើកទី២នៅខែមករា២០២១នេះ។ ក្លឹបម្ចាស់ជើងឯកអង់គ្លេស២០សម័យទើបតែបញ្ចប់ការផ្ទេរ Amad Diallo កាលពីដើមខែនេះ ខណៈពួកគេមិនរំពឹងថានិងមានការផ្ទេរយកកីឡាកររូបណាផ្សេងទៀតនៅឡើយទេ។
ប្រភពពីគេហទំព័រ The Mirror បានចុះផ្សាយថាៈ មានកីឡាករ ៧ នាក់ គ្រូបង្វឹកលោក Ole Gunnar Solskjaer កំពុងត្រៀមអនុញ្ញាតិអោយពួកគេចាកចេញមុនទីផ្សារដោះដូរកីឡាករនិងបិទនៅចុងខែមករានេះ ។
កីឡាកទាំងនោះមានដូចជា Jesse Lingard, Marcos Rojo, Sergio Romero, Juan Mata, Phil Jones, Brandon Williams និង Daniel James ជាដើម ។ទោះយ៉ាងណា Mata, Williams និង James បានបង្ហាញខ្លួនចូលលេងបានខ្លះ ប៉ុន្តែសម្រាប់ Lingard Rojo, Romero និង Jones មិនដែលបានចូលលេងទាល់តែសោះនៅរដូវកាលថ្មីនេះ។
ក្រុមបិសាចក្រហមបានវិលត្រឡប់មកឈរនៅលើកំពូលតារាងនៃក្របខ័ណ្ឌ Premier League វិញកាលពីរាត្រីថ្ងៃពុធដោយទទួលបានជ័យជម្នះ ២-១ នៅឯក្រុម Fulham ដោយកីឡាករ Paul Pogba បានរកគ្រាប់បាល់ឈ្នះនៅក្រុម Craven Cottage៕