បរទេស៖ លោក Ole Gunnar Solskjaer បានសារភាពថាកីឡាករដែលត្រូវបានក្លឹបទិញមកកាលពីដើមរដូវកាលគឺ Donny van de Beek មិនសប្បាយចិត្តក្នុងការប្រកបអាជីពនៅទឹកដី Old Trafford នាពេលនេះទេ ក្រោយពីមិនអាចជាប់ជម្រើសដំបូងចូលលេងបានទៀងទាត់នោះ។
កីឡាករអន្តរជាតិហូងល់វ័យ ២៣ ឆ្នាំរូបនេះបានចាកចេញពីក្លិប Ajax កាលពីរដូវក្តៅដើម្បីចង់បានតំណែងលេង ដ៏សំខាន់នៅក្នុងក្រុមក៏ប៉ុន្តែផ្ទុយទៅវិញរូបគេបានប្រឈមពេលវេលាដ៏លំបាកក្នុងរដូវកាលដំបូងនៅលីកកំពូលអង់គ្លេស។ បច្ចុប្បន្នគ្រូបង្វឹកសញ្ជាតិន័រវេលោកSolskjaer បានដឹកនាំក្រុមឡើងមក ឈរលើកំពូលតារាងដោយ មានវត្តមាន របស់ Fred, Scott McTominay, Paul Pogba និង Bruno Fernandes ជាជម្រើសដ៏សំខាន់ ដែលធ្វើអោយ De Beek បាត់បង់ ឪកាសបង្ហាញខ្លួន។
បង្ហាញខ្លួនចូលលេងសរុប ២១ ដងក្នុងរដូវកាលនេះតែ Van de Beek ចូលលេងនៅ Premier League បានតែ១០ ប្រកួត ហើយជាប់ជម្រើសដំបូងបានតែ២ដងប៉ុណ្ណោះ៕
ប្រភពព័ត៍មាន៖ Goal
