បរទេស៖ លោក Ole Gunnar Solskjaer បានកោតសរសើរការយកចិត្តទុកដាក់របស់ Bruno Fernandes លើបច្ចេកទេសនៃការស៊ុតពិន័យ Free-kick ខណៈដែលគ្រាប់បាល់បញ្ចូលទីយ៉ាងល្អរបស់ខ្សែបម្រើអន្តរជាតិព័រទុយហ្គាល់រូបនេះ បានជួយឲ្យក្រុម Manchester United ដណ្តើមបាជ័យជម្នះដ៏រំភើបក្នុងលទ្ធផល ៣-២ លើក្រុម Liverpool ដើម្បីឈានទៅប្រកួតពាន FA Cup ជុំទី៥ កាលពីថ្ងៃអាទិត្យ។
/cdn.vox-cdn.com/uploads/chorus_image/image/68713820/1230771442.0.jpg)
លោក Solskjaer មិនបានប្រើប្រាស់ Fernandes ក្នុងជម្រើសទាំង១១នាក់ដំបូងទាំងកម្រ ខណៈដែលក្រុម Man United កំពុងតែនាំមុខលើការប្រជែងដណ្តើមពានក្រខ័ណ្ឌ Premier League ដ៏ស្វិតស្វាញ។ ប៉ុន្តែ តារាឆ្នើមរបស់ក្លិប Man United រូបនេះ បានចូលលេងក្នុងនាមជាកីឡាករបម្រុង ដើម្បីកាត់សេចក្តីក្នុងការប្រកួតនៅកីឡដ្ឋាន Old Trafford ក្រោយពីក្រុមទាំង២បានបញ្ចប់ក្នុងលទ្ធផលស្មើ ០-០ នៅពេលដែលពួកគេបានជួបគ្នាក្នុងការប្រកួតលីក កាលពី១សប្តាហ៍មុន។
លោក Solskjaer បានឲ្យដឹងថា៖ «នៅពេលដែលអ្នកមិនប្រើប្រាស់រូបគេក្នុងជម្រើសដំបូងដូចដែលខ្ញុំបានធ្វើនៅថ្ងៃនេះ រូបគេបានរក្សាការរង់ចាំរយៈពេល៤៥នាទី ក្រោយពីការហ្វឹកហាត់កាលពីថ្ងៃម្សិលមិញ ទៅលើការស៊ុតបាល់ពិន័យ Free-kick ហេតុនេះ ខ្ញុំជឿជាក់ថា រូបគេអាចស៊ុតបាល់បញ្ចូលទីបាន ប្រសិនបើរូបគេមានឱកាស»៕
ប្រភពព័ត៌មាន៖ Channel News Asia
