បរទេស៖ ក្រុម Bayern Munich បានបន្ថែមការនាំមុខរបស់ខ្លួនរហូតដល់៧ពិន្ទុលើកំពូលតារាងនៃក្របខ័ណ្ឌ Bundesliga កាលពីថ្ងៃអាទិត្យ តាមរយៈការដណ្តើមបានជ័យជម្នះក្នុងលទ្ធផល ៤-០ លើក្រុម Schalke 04 ខណៈដែល Robert Lewandowski រកបានគ្រាប់បាល់ក្នុងការប្រកួតលីក៨លើកជាប់ៗគ្នា។
ក្រុម Bayern បានបន្ថែមពិន្ទុនាំមុខរបស់ខ្លួនលើក្រុមឈរលេខ២ RB Leipzig ដែលបានរងបរាជ័យដ៏មិននឹកស្មានដល់ក្នុងលទ្ធផល ៣-២ លើទឹកដីក្រុម Mainz កាលពថ្ងៃសៅរ៍។ ស្របពេលដែលមានតែក្រុមខ្លាំង៣ប៉ុណ្ណោះ ដែលបានទទលជ័យជម្នះកាលពីចុងសប្តាហ៍នេះ ក្រុមម្ចាស់ជើងឯកទ្វីបអឺរ៉ុប Bayern បានរក្សាស្ថិតលើផ្លូវឆ្ពោះទៅកាន់ការឈ្នពាន Bundesliga ជាលើកទី៩ជាប់ៗគ្នា។ ខ្សែប្រយុទ្ធ Thomas Mueller រកបានគ្រាប់បាល់ជាលើកដំបូងរបស់គេ តាមរយៈការតែតបាល់បញ្ចូលទីយ៉ាងល្អ នៅមុនពេល Lewandowski បានស៊ុតបាល់បំប៉ោងសំណាញ់ទីនៅតង់ទី២ ដើម្បីរកគ្រាប់បាល់ទី២៣រសប់គេ ក្នុងការប្រកួតក្របខ័ណ្ឌ១៧លើកនៅរដូវកាលនេះ។
បន្ទាប់មក Bayern រកបានគ្រាប់បាល់២គ្រាប់ទៀតនៅរយៈពេល២នាទីចុងក្រោយ នៅពេលដែល Mueller រកបានគ្រាប់បាល់ទី២របស់គេ នៅមុនពេល David Alaba ស៊ុតបាល់ពីចម្ងាយចូលទីយ៉ាងល្អនៅនាទី ទី៩០៕
ប្រភពព័ត៌មាន៖ Channel News Asia