បរទេស៖ Arthur Melo បានរកគ្រាប់បាល់ដំបូងអោយក្រុម Juventus ខណៈដែលពួកគេបានផ្តួល ក្រុមភ្ញៀវBologna ក្នុងលទ្ធផល២ទល់និង០ កាលពីថ្ងៃអាទិត្យដើម្បីដាក់សម្ពាធទៅលើក្រុមកំពូលតារាង AC Milan។
ខ្សែបម្រើអន្តរជាតិប្រេស៊ីលArthurបានរកគ្រាប់បាល់បញ្ចូលទីនៅនាទីទី១៥ប៉ះខ្សែការពារBolognaធ្វើអោយបាល់ចូលទីខ្លួនឯងក្រោយការបញ្ជូនបាល់របស់មិត្តរួមក្រុមCristiano Ronaldo មុនពេលខ្សែការពារអន្តរជាតិអាមេរិក Weston McKennie បន្ថែមគ្រាប់បាល់ទី២នៅនាទីទី៧១ ក្រោយការបញ្ជូនបាល់ពីជ្រុងរបស់ខ្សែបម្រើអន្តរជាតិកូឡុំប៊ីJuan Cuadrado។
AC Milan នៅតែបន្តឈរកំពូលតារាង Serie A ទោះបីចាញ់ Atalanta ក្នុងទឹកដីខ្លួនឯងកាលពីថ្ងៃសៅរ៏ខណៈ ក្រុមលេខ ២ Inter Milan ខកខានឡើងឈរកំពូលតារាងក្រោយបានត្រឹមស្មើ Udinese ។ក្រុមការពារតំណែងជើងឯក Juventus កំពុងឈរនៅចំណាត់ថ្នាក់លេខបួននៅមាន១ប្រកួតក្នុងដៃដោយនាំមុខក្រុម៥ Atalanta ទោះបីមានពិន្ទុស្មើគ្នានិងមានគម្លាតពីក្រុមAC.Milan ៧ពិន្ទុ៕
ប្រភពព័ត៍មាន៖ BBC