បរទេស៖ ក្រុម AC Milan នឹងធ្វើជាម្ចាស់ផ្ទះទទួលក្រុម Atalanta នាកីឡដ្ឋាន San Siro នៅថ្ងៃអាទិត្យ ដោយដឹងថា នេះអាចនឹងក្លាយជាចុងសប្តាហ៍ដែលពួកគេដណ្តើមពាន Scudetto ពីគូប្រជែងក្នុងទីក្រុងតែមួយ Inter Milan។
ដោយត្រូវការ៤ពិន្ទុពីការប្រកួត២លើកចុងក្រោយរបស់ខ្លួននៅរដូវកាលនេះ ក្រុម AC Milan កំពុងតែស្ថិតលើផ្លូវឆ្ពោះទៅកាន់ការឈ្នះពានក្របខ័ណ្ឌ Serie A ជាលើកទី១ បើគិតចាប់តាំងពីឆ្នាំ២០១១ ហើយពួកគេអាចនឹងមានក្រុមមួយក្នុងចំណោមក្រុមទាំង៦ដែលកំពុងប្រជែងគេចឲ្យផុតពីតំបន់កាត់ចោល ជួយឲ្យពួកគេលើកពានលីគនេះ។ ក្រុម AC Milan របស់លោក Stefano Pioli នឹងបន្ថែមការនាំមុខរបស់ខ្លួនលើក្រុមម្ចាស់ការពារជងឯក Inter រហូតដល់៥ពិន្ទុ ប្រសិនបើពួកគេផ្តួលក្រុម Atalanta ដែលកំពុងស្ថិតក្នុងការប្រជែងដណ្តើមពានក្របខ័ណ្ឌ Europa League។
បន្ទាប់មក Inter នឹងត្រូវតែយកឈ្នះលើក្រុម Cagliari ដើម្បីធានាថា ការប្រជែងដណ្តើមពាននឹងឈានដល់សប្តាហ៍ចុងក្រោយ ដែលគួរតែជារឿងថាយសម្រួលសម្រាប់ក្រុមជើងខ្លាំងមួយនេះ បើធៀបទៅនឹងសមត្ថភាពរវាងក្រុមទាំង២។ ក្រុម Inter របស់លោក Simone Inzaghi ទើបតែបានឈ្នះពាន Italian Cup ក្រោយពីបានយកឈ្នះលើក្រុម Juventus នៅនាទីបន្ថែម១៥នាទី២ដង កាលពីថ្ងៃពុធ ហើយពួកគេកំពុងតែសង្ឃឹមថា អាចទាញយកអត្ថប្រយោជន៍ពីលទ្ធផលដ៏គួរឲ្យជឿជាក់នេះ ក្នុងដំណាក់កាលចុងក្រោយនៃរដូវកាលនេះ៕
ប្រភពព័ត៌មាន៖ Channel News Aia