បរទេស៖ ក្រុម Tottenham បានចំណាយពេលរហូតដល់ជិតបញ្ចប់ការប្រកួតដើម្បីទម្លាក់ក្រុម Wycombe ដែលក្នុងក្របខ័ណ្ឌ Championship ក្នុងលទ្ធផល ៤-១ ខណៈដែលគ្រាប់បាល់ស៊ុតបញ្ចូលទី៣គ្រាប់របស់ពួកគេបានកើតឡើងនៅរយៈពេល៤នាទីចុងក្រោយ ដើម្បីឈានទៅប្រកួតពាន FA Cup ជុំទី៥ កាលពីថ្ងៃចន្ទ។
លោក Jose Mourinho បានយកឱកាសនេះ ដើម្បីដាក់ឲ្យ Harry Kane, Son Heung-min និង Tanguy Ndombele ស្ថិតជាកីឡាករបម្រុង ខណៈដែល Spurs ត្រូវជួបការប្រកួតដ៏មមាញឹកក្នុងយុទ្ធនាការ៤ នៅប៉ុន្មានខែខាងមុខនេះ។ ប៉ុន្តែ គ្រាប់បាល់បញ្ចូលទីទាំង៣គ្រាប់ បានកើតឡើងនៅតង់ទី២ ដើម្បីផ្តួលក្រុម Wycombe ដែលបានទទួលជ័យជម្នះត្រឹមតែ៣លើកគត់ ក្នុងការប្រកួត២៣លើក ក្នុងក្របខ័ណ្ឌលំដាប់ទី២ Championship នៅរដូវកាលនេះ។ ខ្សែប្រយុទ្ធ Gareth Bale ត្រូវបានដាក់ឲ្យចូលលេងក្នុងជម្រើសដំបូងទាំងកម្រ នៅក្នុងរជ្ជកាលទី២របស់គេនៅ Spurs ដោយលោក Mourinho ប៉ុន្តែ តារាឆ្នើមដែលខ្ចីជើងពីក្លិប Real Madrid រូបនេះ បានខ្ជះខ្ជាយឱកាស៣លើកធំៗ ដើម្បីជួយឲ្យក្រុមភ្ញៀវរកគ្រាប់បាល់នាំមុខ។
ក្រុម Wycombe រកបានគ្រាប់បាល់នាំមុខមុនដ៏មិននឹកស្មានដល់ នៅមុនពេល Bale បានតាមស្មើវិញនៅជិតបញ្ចប់ការប្រកួតតង់ទី១។ ជ័យជម្នះនេះ ជួយឲ្យក្រុម Tottenham ទទួលបានសិទ្ធិទៅវគ្គបន្តដើម្បីធ្វើដំណើរទៅជួបក្រុម Everton នៅជុំបន្ទាប់៕
ប្រភពព័ត៌មាន៖ Channel News Asia