បរទេស៖ ខ្សែប្រយុទ្ធ Lionel Messi បានបង្ហាញថ្វីជើងថ្ងៃវិលចូលលេងវិញពីការជាប់ពិន័យព្យួរ តាមរយៈការស៊ុតបាល់បញ្ចូលទី១គ្រាប់ ក្នុងាករប្រកួតពាន Copa del Rey កាលពីថ្ងៃពុធ ខណៈដែលក្រុម Barcelona បានសង្គ្រោះការភិតភ័យមួយនៅពេលប្រកួតជាមួយនឹងក្រុម Rayo Vallecano ដើម្បីឈានទៅកាន់វគ្គ៨ក្រុមចុងក្រោយ។
ស្របពេលដែលក្រុម Real Madrid និង Atletico Madrid បានធ្លាក់ចេញរួចជាស្រេច លទ្ធផលដ៏គួរឲ្យភ្ញាក់ផ្អើលមួយមួយ ទំនងជាត្រូវកើតឡើងទៅហើយ នៅពេលដែលកីឡាករ Fran Garcia បានជួយឲ្យក្រុម Rayo មានគ្រាប់បាល់នាំមុខមុននៅកីឡដ្ឋាន Vallecas នៅដើមតង់ទី២។ ប៉ុន្តែ Messi បានស៊ុតបាល់បំប៉ោងសំណាញ់ទី ក្រោយពីការបញ្ជូនបាល់របស់ Antoine Griezmann ដើម្បីរកគ្រាប់បាល់តាមស្មើវិញ នៅមុនពេលបញ្ជូនបាល់ឲ្យខ្សែការពារ Jordi Alba ដែលបានបញ្ជូនបន្តទៅឲ្យ Frenkie de Jong ដើម្បីជួយឲ្យក្រុមខ្លួនទទួលជ័យជម្នះក្នុងលទ្ធផល ២-១ តែម្តង។
ក្រុម Rayo ស្ថិតក្នុងចំណាត់ថ្នាក់លេខ៤ នៅលើតារាក្របខ័ណ្ឌ Segunda ដែលជាក្របខ័ណ្ឌលំដាប់ទី២របស់អេស្ប៉ាញ ក្រោយពីត្រូវបានកាត់ចេញីក្របខ័ណ្ឌកំពូលកាលពីឆ្នាំ២០១៩៕
ប្រភពព័ត៌មាន៖ Channel News Asia