បរទេស៖ ក្រុម Barcelona បានធ្លាក់ចេញពីពាន Copa del Rey កាលពីថ្ងៃព្រហស្បតិ៍ ខណៈដែលគ្រាប់បាល់ស៊ុតបញ្ចូលទីជាលើកដំបូងរបស់ Ferran Torres សម្រាប់ Barca មិនអាចជួយឲ្យពួកគេគេចផុតពីការរងបរាជ័យក្នុងលទ្ធផល ៣-២ នៅនាទីបន្ថែម ក្រោមស្នាដៃក្រុម Athletic Bilbao ឡើយ។
ការខកចិត្តសម្រាប់ក្រុម Barca កាន់តែខ្លាំងបន្ថែមទៀត ដោយសារតែកីឡាករ Ansu Fati បានប្តូរចេញនៅតង់ទី២ ដោយសារតែបញ្ហារបួស នៅកីឡដ្ឋាន San Mames។ Fati ទើបតែបានវិលចូលលេងវិញកាលពីដើមខែនេះ ក្រោយពីមានបញ្ហារបួសសរសៃពួគន្លាក់ជើង រយៈពេល២ខែ ខណៈដែលរូបគេទើបតែបានវិលទៅលេងវិញនៅខែកញ្ញា ក្រោយពីបានអវត្តមានអស់រយៈពេល១០ខែដោយសារតែរបួសជង្គង់។
ស្របពេលជាមួយគ្នានេះ ក្រុម Real Madrid បានចំណាយពេលរហូតដល់នាទីបន្ថែម១៥នាទី២ដង ដើម្បីផ្តួលក្រុម Elche ក្នុងលទ្ធផល ២-១ ស្របពេលដែល Eden Hazard បានរកគ្រាប់បាល់បើកឆាក ក្រោយពីការរងពិន័យកាតក្រហមរបស់ Marcelo បានបង្ខំឲ្យក្រុមកំពុងនាំមុខលើតារាង La Liga មួយនេះត្រូវបាយបកតាមពីក្រោយជាមួយនឹងសមាជិកត្រឹមតែ១០នាក់៕
ប្រភពព័ត៌មាន៖ Channel News Asia