បរទេស៖ លោក Rio Ferdinand បានបញ្ចេញយោបល់យល់ឃើញថាកីឡាករពីររូបគឺខ្សែប្រយុទ្ធ Anthony Martial និង Marcus Rashford ជាអ្នកដែលត្រូវទទួលខុសត្រូវធំបំផុតនៅពេលដែលម្ចាស់ផ្ទះបិសាចក្រហម Man Utd បានបរាជ័យចាញ់ក្រុមបាតតារាង Sheffield United ក្នុងទឹកដីខ្លួនឯងកាលពីយប់ថ្ងៃពុធ នៅទឹកដី Old Trafford។
វិរបុរសនិងជាអតីតខ្សែការពារ Man United បានបញ្ជាក់ប្រាប់ BT Sport យ៉ាងដូច្នេះថា៖ «ពួកគេទាំងពីរមិនបានធ្វើអោយក្រុមទទួលបានលទ្ធផលល្អនោះទេ ហើយក៏មិនបានបង្កើតឪកាសដើម្បីជួយក្រុមនោះដែរ»។
ក្រុមលោក Solskjaer បានបង្ហាញទម្រង់លេងយ៉ាងល្អនៅដើមសប្តាហ៏នេះដោយទម្លាក់គូប្រជែង Liverpool ចេញពីការប្រកួត FA Cup ជាមួយកំនត់ត្រាឈ្នះ៦ លើកនិងស្មើ ៣ ដងក្នុងការប្រកួតក្របខ័ណ្ឌ Premier League ៩លើកចុងក្រោយរបស់ពួកគេ។ បរាជ័យនេះនាំអោយពួកគេខកខានឡើងមកឈរនៅកំពូលតារាងផងដែរ៕
ប្រភពព័ត៍មាន៖ Goal