បរទេស៖ Rio Ferdinand បានក្រើនរំលឹកអតីតក្លឹប Man Utd របស់ខ្លួនថាកំពុងតែខ្ជះខ្ជាយពេលវេលាលើការព្យាយាមបញ្ចុះបញ្ចូលការចុះហត្ថលេខានាំយក Raphael Varane ដោយលើកឡើងថាខ្សែការពារកណ្តាលរូបនេះ១០០ភាគរយនិងចុះហត្ថលេខាមីជាមួយ Real Madrid ជាបន្តទៅទៀត។
Man Utd មានបំណងចង់ពង្រឹងលើតំបន់ខ្សែការពារកណ្តាលបន្ថែមទៀតនៅរដូវក្តៅនេះ ក្រោយមិនបានឈ្នះពានណាមួយឡើយក្រោយបញ្ចប់រដូវកាលចាស់។ Raphael Varane, Pau Torres របស់ក្រុម Villareal និង Jules Kounde របស់ Sevilla គឺស្ថិតក្នុងចំណោមជម្រើសដែលត្រូវលើកយកមកពិចារណា។
យ៉ាងណាមិញមកដល់ពេលនេះ Varane បានច្រានចោលការផ្តល់ជូនសំណើរពីសំណាក់ក្លឹបជើងឯក Champion League ១៣សម័យ ក្រោយពីមិនអាចជួយក្រុមមាន់គកបារាំងឆ្លងផុតវគ្គចែកពូលបាន។ យ៉ាងណាមិញអតីតយុវជនក្លឹប Lens រូបនេះបានត្រៀមខ្លួនរួចជាស្រេចសម្រាប់ការប្រកួតប្រជែងថ្មីស្របពេលកិច្ចសន្យារបស់គេនៅទឹកដី Santiago bernabeu នៅ មានសុពលភាពតែមួយឆ្នាំទៀតប៉ុណ្ណោះលើកិច្ចព្រមព្រៀងបច្ចុប្បន្ន។
អតីតខ្សែការពារប្រវត្តិសាស្រ្តអង់គ្លេសមិនជឿថាកីឡាករវ័យ ២៨ ឆ្នាំរូបនេះនឹងចាកចេញពី Real Madrid ដូចជាមិត្តរួមក្រុម Sergio Ramos ដែលទើបតែចែកផ្លូវគ្នាជាមួយក្រុមអធិរាជសនោះទេ។ Ferdinand បានលើកឡើងយ៉ាងខ្លីប្រាប់ FIVE YouTubeChannel ថា៖ Varane និងបន្តកិច្ចសន្យាថ្មីមួយជាមួយ Real Madrid បើទោះបីជាកន្លងមកមានពាក្យលេចលឺ និងត្រូវបានបណ្តាញសារពត៌មានចុះផ្សាយជុំវិញអនាគតរបស់គេយ៉ាងណាក៏ដោយ»៕
ប្រភពព័ត៍មាន៖ Metro
