បរទេស៖ គ្រូបង្វឹក Liverpool លោក Jurgen Klopp បានរិះគន់ថាជារឿង ខ្វះភាពអត់ធ្មត់របស់ម្ចាស់ក្លឹបតោខៀវ Chelsea លោក Roman Abramovich ដែលបានសម្រេចចិត្តយ៉ាងតក់ក្រហល់ក្នុងការបណ្តេញលោក Frank Lampard ចេញពីគ្រូបង្គោលក្រុម Chelsea ក្រោយដឹកនាំបាន១៨ខែ ហើយជំនួសមកវិញដោយគ្រូបង្វឹកសញ្ជាតិអាឡឺម៉ង់លោក Thomas Tuchel។
វីរបុរស និង ជាគ្រូបង្វឹកសញ្ជាតិអង់គ្លេសត្រូវបានក្រុម Chelsea បញ្ចប់តួនាទីក្រោយពីដឹកនាំមិនបានល្អនៅក្របខ័ណ្ឌ Premier League ក្នុង៩ប្រកួតចុងក្រោយធ្វើអោយក្រុមធ្លាក់មកចំណាត់ថ្នាក់ លេខ១០ ក្រោយឈ្នះតែ២លើកនៅ៨ប្រកួតនាលីកកំពូលអង់គ្លេស។
គ្រូបង្វឹកដែលបានជួយ Liverpool លើកពាន Premier league ជាប្រវត្តិសាស្រ្តកាលពីរដូវកាលចាស់បានបញ្ជាក់យ៉ាងដូច្នេះថាៈគាត់ជាគ្រូបង្វឹកដែលនៅក្មេងនិងមានស្នាដៃធ្លាប់ជួយក្លឹបជាច្រើនឆ្នាំដូច្នេះក្លឹបគួរតែរក្សាភាពអត់ធ្មត់និងទុកពេលវេលាអោយរូបគេខ្លះបន្ថែមទៀត ។ ក៏ព្រោះតែក្រុមបាននាំយកកីឡាករដែលមានតម្លៃថ្លៃជាច្រើនមករួមក្រុមនៅដើមរដូវកាលក៏ដោយ៕
ប្រភពព័ត៍មាន៖ Metro
