បរទេស៖ សាជាថ្មីម្តងទៀតកីឡាករ Paul Pogba បានបញ្ជាក់យ៉ាងច្បាស់ថារូបគេនិងលើកយកការពិភាក្សាពីអនាគតជាមួយក្រុម Man United នៅចុងបញ្ចប់នៃរដូវកាល២០២០-២០២១នេះដើម្បីអោយប្រិយមិត្តបាត់ចំងល់។
កិច្ចសន្យារបស់សមាជិកជ័យលាភី World Cup ២០១៨ របស់ក្រុមមាន់គកបារាំង នឹងត្រូវឈានចូលចូលដល់ឆ្នាំចុងក្រោយនៃកិច្ចសន្យារបស់គាត់នៅខែកក្កដាខាងមុខនេះ ស្របពេលកន្លងមក ភ្នាក់ងារផ្ទាល់ខ្លួនរបស់ Pogba គឺលោក Mino Raiola ធ្លាប់បង្ហើបប្រាប់ថាអតីតខ្សែ បម្រើកណ្តាលក្រុម Juventus មិនមានចេតនាចង់ចុះកុងត្រាថ្មីបន្តលេងនៅទឹកដី Old Trafford តទៀតនោះទេ។
ទោះយ៉ាងណាខ្សែបម្រើវ័យ ២៧ឆ្នាំរូបនេះបានបង្ហាញទម្រង់លេងល្អប្រសើរជាងមុន ក្រោយពីញាំញីដោយសាររបួសកាលពីឆ្នាំចាស់និងកំពុងដើរតួនាទី សំខាន់ក្នុងការប្រជែងពានលីកំពូល អង់គ្លេសលើកដំបូងរបស់ Man Utd ក្រោយខកខាន រយៈពេល ៨ឆ្នាំកន្លងទៅ៕