បរទេស៖ Liverpool បានបញ្ចប់ការចាញ់ជាប់ៗគ្នាត្រឹម៥ប្រកួត ក្នុងការប្រកួតក្របខ័ណ្ឌ Premier League ដើម្បីវិលទៅកាន់ចំណាត់ថ្នាក់កំពូលទាំង៤វិញ ក្រោយពីដណ្តើមបានជ័យជម្នះក្នុលទ្ធផល ៣-១ នៅលើទឹកដីក្រុម Tottenham កាលពីថ្ងៃព្រហស្បតិ៍ ខណៈដែល Spurs ក៏បានបាត់បង់ខ្សែប្រយុទ្ធ Harry Kane ដោយសារតែរបួសកជើងផងដែរ។
ក្រុមម្ចាស់ជើងឯកអង់គ្លេស Liverpool មិនបានស៊ុតបាល់បញ្ចូលទីឡើយ ក្នុងការប្រកួតក្របខ័ណ្ឌលីក៤លើកចុងក្រោយរបស់ពួកគេ ប៉ុន្តែ Jurgen Klopp បានបញ្ជាក់់ថា លោកបានរៀបចំក្រុមរបស់លោកឡើងវិញ ខណៈដែលខ្សែប្រយុទ្ធទាំង៣របស់ពួកគេបានបង្ហាញពីទម្រង់លេងយ៉ាងរស់រវើក ក្រោយពី Roberto Firmino បានបញ្ចប់ការមិនអាចរកបានគ្រាប់បាល់ត្រឹម៤៩២នាទី តាមរយៈការស៊ុតបាល់បំប៉ោងសំណាញ់ទីនៅជិតបញ្ចប់ការប្រកួត។
Kane បានប្តូរចេញ ក្រោយពីទទួលការព្យាបាល២លើក នៅរបួសកជើងរបស់គេ នៅតង់ទី១ និងត្រូវបានជំនួសនៅត្រឹមពាក់កណ្តាលតង់ ខណៈដែលលោក Jose Mourinho ព្យាករថា ប្រធានក្រុមនៃក្រុមជម្រើសជាតិអង់គ្លេសរូបនេះ នឹងត្រូវអវត្តមានយ៉ាងហោចណាស់ពី៣ ទៅ៤សប្តាហ៍។ លោក Mourinho បានឲ្យដឹងថា៖ «រូបគេរងរបួសកជើងទាំងសងខាង ដោយជើងម្ខាងរងរបួសខ្លាំងជាងជើងម្ខាង»៕
ប្រភពព័ត៌មាន៖ Channel News Asia
