បរទេស៖ ការរិតត្បិតលើការធ្វើដំណើរជាថ្មីរបស់អាល្លឺម៉ង់ បានបង្កើតឲ្យមានភាពមិនច្បាស់ជុំវិញការប្រកួតក្របខ័ណ្ឌ Champions League វគ្គ១៦ក្រុមចុងក្រោយ របស់ក្រុម RB Leipzig ជាមួយនឹងក្រុម Liverpool ក្រោយពីអ្នកនាំពាក្យម្នាក់របស់រដ្ឋាភិបាល បានប្រាប់កាលពីថ្ងៃចន្ទថា វិធានការថ្មីនេះ មិនលើកលែងដល់អត្តពលិកអាជីពឡើយ។ ការហាមឃាត់លើអ្នកធ្វើដំណើរពីប្រទេសនានាដែលរងនូវការផ្ទុះឡើងជាថ្មីនៃវីរុសកូរ៉ូណា ដូចជាចក្រភពអង់គ្លេស មិនមានការលើកលែងជាពិសេសសម្រាប់អ្នកកីឡាអាជីពឡើយ។
នេះបើយោងទៅតាមការបញ្ជាក់របស់អ្នកនាំពាក្យម្នាក់របស់ក្រសួងមហាផ្ទៃ។ ជាមួយនឹងការចាប់ផ្តើមអនុវត្តកាលពីថ្ងៃសៅរ៍ និងបន្តរហូតដល់ថ្ងៃទី១៧ ខែកុម្ភៈ ច្បាប់ថ្មីនេះ អាចនឹងរាំងស្ទះដល់ការធ្វើដំណើររបស់ក្រុម Liverpool របស់ក្របខ័ណ្ឌ Premier League ទៅកាន់កីឡដ្ឋាន Red Bull Arena របស់ក្រុម Leipzig នៅរយៈពេល១ថ្ងៃមុន។
ប្រសិនបើពួកគេមិនចេញការលើកលែងជាពិសេសទេនោះ បុគ្គលិក និងកីឡាកររបស់ Liverpool នឹងមិនអាចធ្វើដំណើរទៅកាន់អាល្លឺម៉ង់បានឡើយ ដោយផ្អែកទៅលើច្បាប់ថ្មី។ ស្របពេលដែលលោក Jurgen Klopp នឹងទទួលបានការអនុញ្ញាតឲ្យចូលក្នុងប្រទេស ក្នុងនាមជាប្រជាជនមានសញ្ជាតិអាល្លឺម៉ង់ លោកត្រូវលុបឈ្មោះកីឡាកររបស់ខ្លួនជាច្រើននាក់៕
ប្រភពព័ត៌មាន៖ Channel News Asia