បរទេស៖ ខ្សែបម្រើប្រយុទ្ធ Juan Mata របស់ក្រុមបិសាចក្រហម Manchester United ត្រៀម នឹងវិលត្រឡប់ទៅកាន់ប្រទេសអេស្ប៉ាញវិញនៅចុងបញ្ចប់នៃរដូវកាលនេះយោងគេហទំព័រ AS បានចុះផ្សាយ។ កិច្ចព្រមព្រៀងរបស់ខ្សែបម្រើដែលពោរពេញទៅដោយបទពិសោធន៏ វ័យ ៣២ ឆ្នាំនៅទឹកដី Old Trafford នឹងត្រូវផុតកំណត់នៅរដូវក្តៅនេះទោះបីក្រុមម្ចាស់ជើងឯកអង់គ្លេស២០សម័យមានជម្រើសបន្តកិច្ចសន្យាដល់រូបគេ ១២ ខែបន្ថែមទៀតក៏ដោយ។
ក៏ព្រោះតែរដូវកាល ២០២០-២០២១នេះ អតីតកីឡាករក្រុមជម្រើសជាតិអេស្បាញរូបនេះចូលលេងបានត្រឹមតែ ១០ប្រកួតប៉ុណ្ណោះហើយ មិនដែលបានចូលលេងនៅលីកកំពូលPremier League ចាប់តាំងពីពាក់កណ្តាលខែធ្នូឆ្នាំមុនមកម្លេះ។
Mata បានចាប់ផ្តើមអាជីពដំបូងជាមួយ Real Madrid មុនពេលផ្លាស់ទៅ Valencia និងលេងអោយក្រុមរហស្សនាមប្រចៀវខ្មៅប្រកួត ១៧៤ មុនពេលបន្តផ្លាស់ទៅ Chelsea នៅរដូវក្តៅឆ្នាំ ២០១១៕
ប្រភពព័ត៍មាន៖ Sportsmole