បរទេស៖ Jesse Lingard បាននិយាយចំៗដល់លោក Ole Gunnar Solskjaer អ្នកចាត់ការទូទៅក្រុម Man Utd ដោយចោតប្រកាន់ថាគ្រូបង្វឹករូបនេះមិនត្រូវបានផ្តល់ឱកាសអោយរូបគេបានចូលលេងបន្តិចណាសោះឡើយនៅរដូវកាល២០២០-២០២១នេះមុនពេលត្រូវបានខ្ចីជើងទៅ West Ham United កាលពីខែមករានេះ។
Lingard បានប្រាប់គេហទំព័រ BT Sport មុនជំនួបផ្តួល Sheffield កាលពីថ្ងៃច័ន្ទថា «យុគសម័យនេះការបញ្ចេញសមត្ថភាពដើម្បីជាប់ជម្រើសដំបូងក្នុងឈុតធំជាទៀងទាត់គឺជារឿងធម្មតាដែលយើងចង់បាន តែការពិតយើងត្រូវតែបង្ហាញពីឪកាសចូលលេងពិតប្រាកដដែលរាល់គ្នាអាចធ្វើបាន»។ ទោះបីជាមានការលើកឡើងបែបនេះប៉ុន្តែលោក Solskjaer ធ្លាប់បានបញ្ជាក់ច្បាស់ថាខ្លួនចង់ឃើញ Lingard និងបង្ហាញភាពខ្លាំងដើម្បីវិលត្រលប់មកជួយក្រុមនាពេលខាងមុខ។
ហើយសម្រាប់រដូវកាលនេះLinkgard ចូលលេងបានតែ បីប្រកួតប៉ុណ្ណោះគឺពីរលើកនៅពាន Carabao Cup និងមួយដងពេលប្រកួតពាន FA Cup មុនពេលចាកចេញទៅក្លឹបWest Hamហើយកីឡាករវ័យ២៨ឆ្នាំរូបនេះរកបាន ២ គ្រាប់ក្នុងការប្រកួតជាលើកទី ១ ពេលជួបAston Villa។ផ្ទុយពីរដូវកាលមុនកីឡាករអន្តរជាតិអង់គ្លេសរូបនេះ រកបានតែ៥ គ្រាប់ប៉ុណ្ណោះគ្រប់ក្របខណ្ឌប្រកួត ទាំងអស់ចាប់ពីខែមករាឆ្នាំ ២០១៩ រហូតដល់ខែមករាឆ្នាំ ២០២១ ៕
ប្រភពព័ត៍មាន៖ Sportbible
