បរទេស៖ ខ្សែប្រយុទ្ធ Kylian Mbappe ធ្លាប់បានឈ្នះពាន World Cup និងស៊ុតបាល់បញ្ចូលទីក្នុងវគ្គផ្តាច់ព្រ័ត្ររួចជាស្រេច ប៉ុន្តែ រូបគេមិនទាន់បានបង្ហាញពីកម្រិតលេងក្នុងក្របខ័ណ្ឌ Champions League ក្នុងកម្រិតឲ្យស្មើនឹងទម្រង់លេងដែលរូបគេបានបង្ហាញដើម្បីបំបាក់មុខខ្សែប្រយុទ្ធ Lionel Messi និងក្រុម Barcelona កាលពីថ្ងៃអង្គារឡើយ។
គ្រាប់បាល់ស៊ុតបញ្ចូលទី៣គ្រាប់របស់គេ ក្រោយពីបានបំពេញគ្រាប់បាល់ទី៣នៅនាទី ទី៨៥នោះ បានជួយឲ្យក្រុម Paris Saint-Germain ទទួលជ័យជម្នះក្នុងលទ្ធផល ៤-១ បើទោះបីគ្មានវត្តមាន Neymar ក៏ដោយ ក្នុងការប្រកួតវគ្គ១៦ក្រុមចុងក្រោយ ជើងទី១ ខណៈជ័យជម្នះនេះ ធ្វើឲ្យក្រុមរបស់បារាំង ស្ថិតកាន់តែកៀកទៅវគ្គ៨ក្រុមចុងក្រោយ។ Mbappe វ័យ២២ឆ្នាំ បានដាក់សម្ពាធយ៉ាងខ្លាំងក្លា និងបានបំបែកក្បួនការពាររបស់ខ្សែការពារស្លាបស្តាំ Sergino Dest និងបានជួយឲ្យក្រុម PSG បំពេញការវាយបកយ៉ាងល្អ ក្រោយពីពួកគេបានដេញតាមពីក្រោយដោយសារតែការស៊ុតបាល់ប៉េណាល់ទីរបស់ Messi នៅតង់ទី១។
ក្រោយពីលទ្ធផលនេះ គួរតែអាចលុបចោលសំណាងអាក្រក់នៅជុំវិញក្រុម PSG កីឡាករ Marquinhos ដែលជាប្រធានក្រុម បានប្រាប់ទូរទស្សន៍ RMC Sport របស់បារាំង ថា៖ «នៅពេលដែល Kylian បង្ហាញពីភាពខ្លាំង នៅក្នុងការប្រកួតធំៗ វាពិតជាបង្កើតឲ្យមានការប្រែប្រួល»៕
ប្រភពព័ត៌មាន៖ Channel News Asia