បរទេស៖ គ្រូបង្វឹក Chelsea លោក Thomas Tuchel កំពុងសម្លឹងរកជ័យជម្នះពេលប៉ះក្រុម Southampton នៅចុងសប្តាហ៍នេះដើម្បីតាមកំណត់ត្រារបស់លោក Carlo Ancelotti នៅ Chelsea កាលពីឆ្នាំ២០០៩ដោយអាចយកឈ្នះ៣ប្រកួតក្រៅដីជាប់ៗគ្នាក្រោយពីឡើងកាន់តំណែង។
ក្លឹប Chelsea បានបង្ហាញទម្រង់លេងដ៏គួរអោយចាប់អារម្មណ៍ខ្លាំងក្រោយពីតែងតាំងលោក Thomas Tuchel ធ្វើជាអ្នកចាត់ការទូទៅរបស់ខ្លួន ដោយ៦ប្រកួតចុងក្រោយរបស់ពួកគេអាចរកជ័យជម្នះបាន៥ដង និងស្មើម្តង។ ក្លឹប Chelsea បានផ្តួលក្រុម Hotspur និង Sheffield ក្រៅដីរួចហើយ ខណៈយប់ថ្ងៃសោរ៍នេះពួកគេនឹងត្រូវធ្វើដំណើរទៅកាន់ទឹកដីរបស់ Southampton ហើយប្រសិនបើពួកគេអាចយកជ័យជម្នះបាននោះលោក Thomas Tuchel នឹងក្លាយជាគ្រូបង្វឹកដំបូងរបស់ក្លឹបដែលអាចឈ្នះការប្រកួតក្រៅដី៣លើកជាប់ៗគ្នា បន្ទាប់លោក Carlo Ancelotti ធ្លាប់ធ្វើវាបានកាលពីឆ្នាំ២០០៩។
Chelsea ទើបតែបានផ្តួលក្រុម Newcastle កាលពីដើមសប្តាហ៍កន្លងដោយលទ្ធផល២ទល់នឹង០ ដោយការរកគ្រាប់ដោយខ្សែប្រយុទ្ធ Timo Werner និង Oliver Giroud។ ក្លឹប Chelsea បច្ចុប្បន្នកំពុងស្ថិតនៅលេខ៤ដោយតាមពីក្រោយដោយ West Ham ប៉ុន្តែពួកគេខុសគ្នាពីក្រុមលេខ២ Manchester United តែ៤ពិន្ទុប៉ុណ្ណោះ៕
ប្រភពព័ត៍មាន៖ Sportsmole