បរទេស៖ គ្រូបង្វឹកក្រុមតោខៀវ Chelsea លោក Thomas Tuchel បានច្រានចោលការលើកឡើងសម្រាប់ឪកាសដែលរូបលោកបើកចំហក្នុងការផ្លាស់ទៅដឹកនាំក្លឹប Manchester United ជាអចិន្រ្តៃយ៏នៅរដូវកាលថ្មីខាងមុខនេះ។ ជាមួយនឹងបច្ចុប្បន្នភាពដែលក្រុមតោខៀវ Chelsea ប្រឈមនឹងភាពមិនច្បាស់លាស់ដោយសារតែម្ចាស់ក្លឹបកំពុងប្រឈមនិងស្ថានភាពហិរញ្ញវត្ថុ ដោយសារតែចក្រភពអង់គ្លេសបានដាក់ទណ្ឌកម្មនិងរឺបអូសទ្រព្យសម្បត្តិមួយចំនួន ព្រមជាមួយពត៌មានលើកឡើងថាលោក Tuchel ត្រៀមចាកចេញ ពីទឹកដី Stamford Bridge នៅចុងបញ្ចប់នៃរដូវកាលនេះ។
ទោះជាយ៉ាងណាកាលពីថ្ងៃសុក្រ គ្រូបង្វឹកសញ្ជាតិអាឡឺម៉ង់លោក Tuchel បានលើកឡើងសារជាថ្មីថាគាត់ស្រលាញ់ Chelsea និងក៏បានបដិសេធនូវឱកាសនៃការផ្លាស់ប្តូរទៅដឹកនាំនៅកីឡាដ្ឋាន Old Traffordផងដែរ ។ អតីតគ្រូបង្វឹកDortmund បន្តថាៈខ្ញុំមិនមានប្រតិកម្មអ្វីទាំងអស់ តើអ្នកមានអារម្មណ៍ថាខ្ញុំមិនសូវមានចិត្តភក្តីចំពោះក្លឹប ឬមិនសូវចូលបានចូលរួមក្នុងស្ថានភាពដ៏លំបាកនេះគិតថាមិនមែនទេ។ ខ្ញុំនិយាយច្រើនដងប្រាប់ពីមូលហេតុដែលខ្ញុំចូលចិត្តបន្តការងារនៅទីនេះព្រោះ ស្រឡាញ់ការងារ Chelsea ហើយក្លឹបនេះមានអ្វីគ្រប់យ៉ាងដែលវាត្រូវការដើម្បីធ្វើឱ្យខ្ញុំសប្បាយចិត្ត ។
មានបេក្ខភាពមហាសេដ្ឋីជាច្រើនដែលមានបំណងនឹងព្យាយាមចង់ទិញក្លឹប Chelsea ក្នុងរយៈពេលប៉ុន្មានថ្ងៃ និង សប្តាហ៍ខាងមុខនេះ ខណៈលោកTuchelនៅតែមិនទាន់ដឹងច្បាស់ពិតប្រាកដថានៅបន្តដឹកនាំក្លឹបបានរឺយ៉ាងណានៅឡើយនោះ។