បរទេស៖ ខ្សែប្រយទ្ធ Cristiano Ronaldo បានជួយឲ្យក្រុមសេះបង្កង់ Juventus ស្ថិតក្នុងការប្រជែងដណ្តើមពានក្របខ័ណ្ឌ Serie A កាលពីថ្ងៃចន្ទ ខណៈដែលគ្រាប់បាល់តែតបញ្ចូលទីយ៉ាងល្អចំនួន២គ្រាប់របស់គេ បានធ្វើឲ្យក្រុមម្ចាស់ការពារជើងឯកមួយនេះ ដណ្តើមបានជ័យជម្នះក្នុងលទ្ធផល ៣-០ លើក្រុមបាតតារាង Crotone។
ខ្សែប្រយុទ្ធអន្តរជាតិព័រទុយហ្គាល់ Ronaldo បានស៊ុតបាល់បញ្ចូលទីទាំង២គ្រាប់គ្រា់នោះនៅជិតបញ្ចប់តង់ទី១ ដើម្បីបំបែកតំបន់ការពារដ៏រឹងមាំរបស់ក្រុម Crotone និងជួយឲ្យក្រុម Juventus រក្សាការដេញតាមពីក្រោយក្រុមកំពុងនាំមុខ Inter Milan ចំនួន៨ពិន្ទុ។ កីឡាករ Weston McKennie បានបញ្ចប់ការសង្ស័យផ្សេងៗនៅពាក់កណ្តាលតង់ទី២ នៅពេលដែលរូបគេបានស៊ុតបាល់បំប៉ោងសំណាញ់ទីយ៉ាងល្អ។ ក្រុមរបស់លោក Andear Pirlo បានឡើងទៅឈរក្នុងចំណាត់ថ្នាក់លេខ៣ ក្រោយពីក្រុម Roma ដែលកំពុងតែដេញតាមពីក្រោយ១ពិន្ទុក្នុងចំណាត់ថ្នាក់លេខ៤ ត្រឹមតែអាចបញ្ចប់ក្នុងលទ្ធផលស្មើ ០-០ នៅលើទឹកដីក្រុម Benevento កាលពីថ្ងៃអាទិត្យ។
ពួកគេកំពុងតែដេញតាមពីក្រោយក្រុមឈរលេខ២ AC Milan ចំនួន៤ពិន្ទុ ក្រោយពីក្រុម AC Milan បានរងបរាជ័យ៣លើកក្នុងចំណោមការប្រកួតលីក៥លើកចុងក្រោយរបស់ខ្លួន ក្នុងនោះរាប់ញ្ចូលទាំងការចាញ់ក្រុម Inter Milan ក្នុងលទ្ធផល ៣-០ កាលពីថ្ងៃអាទិត្យ ផងដែរ៕
ប្រភពព័ត៌មាន៖ Channel News Asia