បរទេស៖ អ្នកចាត់ការទូទៅក្រុមបិសាចក្រហមលោក Ole Gunnar Solskjaer នៅតែបន្តតាមដានយ៉ាងយកចិត្តទុកដាក់លើកីឡា Erling Haaland ដោយរូបលោកមិនមានហេតុផលបោះបង់ការតាមប្រម៉ាញ់កីឡាករBorussia Dortmund នេះផុតពីក្រសែភ្នែកនោះទេ។
លោក Soskjaer បានបញ្ជាក់ប្រាប់យ៉ាងខ្លីថា៖ «ខ្ញុំនៅតែទាក់ទងគាត់ Haaland ពេលនេះបានត្រឹមជូនពរអោយគាត់រីករាយនិងជោគជ័យជាមួយក្រុមដែលរូបគេកំពុងលេង។ ដូច្នេះ រង់ចាំមើលទៅពេលអនាគតទាំងអស់គ្នាបន្តទៀត»។ ខ្សែប្រយុទ្ធកំពុងឡើងជើងមានវ័យ ២០នសញ្ជាតិន័រវេ រូបនេះបានបង្ហាញទម្រង់លេងធ្វើអោយរម្ជួយពិភពបាល់ទាត់ជាខ្លាំងរយៈពេល២ឆ្នាំចុងក្រោយនេះ ពោលគឺចាប់តាំងពីចាកចេញពីក្រុម Red Bull Salzburg នៅលីកកំពូលអូទ្រីសមកកាន់ក្លឹបយក្សអាឡឺម៉ង់ Dortmund រួចមក។
គួរបញ្ជាក់ថា Haaland គឺជាកូនប្រុសរបស់លោក Alf-Inged ដែលជាមិត្តរួមក្រុមជម្រើសជាតិន័រវេ និងធ្លាប់ជាអតីតកីឡាករ Man City ទាំងពីរនាក់ក៏ធ្លាប់រួមការងារជាមួយគ្នានៅក្រុម Molde ជាមួយគ្នាកន្លងមកដូច្នេះហើយលោក Solskjaer មានជំនឿថានឹងអាចបញ្ចុះបញ្ចូល Haaland ផ្លាស់មក Old Trafford បាន ប៉ុន្តែទីបំផុតរូបគេសម្រេចជ្រើសរើសក្លឹប Dortmund ជំនួសវិញ៕
ប្រភពព័ត៍មាន៖ Sportsmole
