បរទេស៖ អតីតខ្សែការពារក្រុមបិសាចក្រហម Man. United លោក Rio Ferdinand បានបញ្ជាក់ប្រាប់ថារូបលោកតែងតែមានអារម្មណ៏ខកចិត្តនៅពេលទស្សនាការរបស់ខ្សែប្រយុទ្ធ ក្រុមតោខៀវ Chelsea កីឡាករ Timo Werner។
Ferdinand បានប្រាប់គេហទំព័រ BT Sport ថា៖ «នៅពេលដែលWerner មានឪកាសអូសបាល់ទៅតំបន់គ្រោះថ្នាក់ដើម្បីបញ្ចប់ទី គាត់មិនអាចធ្វើអីបាន និងមើលទៅហាក់បីដូចជាពិបាកសម្រេចចិត្ត។ ផ្ទុយទៅវិញភាគច្រើន គាត់បានធ្វើអោយអ្នកចាំទីជួយសង្គ្រោះបាន។មួយវិញទៀតការប្រើប្រាស់ល្បឿនរបស់គាត់គឺពេលខ្លះលឿនច្រើនជាងយឺត និងមិនស៊ីសង្វាក់គ្នា»។
Werner នៅតែមិនអាចរកគ្រាប់បាល់សម្រាប់ក្រុម Chelsea ពេលផ្តួល Atletico Madrid ក្នុងក្របខ័ណ្ឌ Champions League កាលពីរាត្រីថ្ងៃអង្គារបានដដែល។ កីឡាករវ័យ ២៤ ឆ្នាំសញ្ជាតិអាឡឺម៉ង់រូបនេះទើបតែរកបាន ១០ គ្រាប់និងបង្កើតឪកាសបញ្ចប់ទី ៩ លើកក្នុងការបង្ហាញខ្លួនចំនួន ៣៤ ប្រកួតក្រោយផ្ទេរពីក្លឹប RB Leipzig កាលពីដើមរដូវកាល៕
ប្រភពព័ត៍មាន៖ Sportbible
