បរទេស៖ Chelsea បានដាក់សំណើរដេញថ្លៃនូវទឹកប្រាក់ ៤៥ លានអឺរ៉ូបូកថែមកីឡាករ Timo Werner ជាថ្នូរសម្រាប់ផ្ទេរយកខ្សែការពារកណ្តាល Matthijs de Ligt ប៉ុន្តែត្រូវបាន Juventus បានច្រានចោលភ្លាមៗការចង់បានកីឡាករមានវ័យ២២ឆ្នាំរូបនេះ យោងគេហទំព័រ Sky Sports បានចុះផ្សាយ។
ទោះយ៉ាងណាក្លឹបយក្សអ៊ីតាលីចង់បានទឹកប្រាក់ប្រមាណ១២០លានអឺរ៉ូ ដែលជាតម្លៃទិញផ្តាច់កុងត្រាសម្រាប់កីឡាករអន្តរជាតិហូឡង់រូបនេះ ខណៈសាម៉ីខ្លួនមានបំណង់ចង់ស្វែងរកការប្រកួតប្រជែងថ្មីផងដែរ។
ប្រភពខាងលើបន្តថាៈ Chelsea គឺជាក្លឹបដែលបង្ហាញការចាប់អារម្មណ៍បំផុតសម្រាប់អតីតយុវជនថ្នាលក្លឹបAjax ខណៈក្រុមលោកThomas Tuchelកំពុងអន្ទះសារចង់បានសមាជិកថ្មីមកជំនួសការចាកចេញរបស់ Andreas Christensen និង Antonio Rudiger៕
ប្រភពព័ត៍មាន៖ Besoccer