បរទេស៖ អតីតកីឡាករជម្រើសជាតិអ៊ីតាលីលោក Antonio Cassano បានបញ្ចេញមតិយល់ឃើញថា Juventus មានកំហុសដែលចុះហត្ថលេខានាំយក Cristiano Ronaldo មករួមក្រុម។
យ៉ាងណាមិញខ្សែប្រយុទ្ធស្លាបក្រុមជម្រើសជាតិព័រទុយហ្គាល់ រូបនេះបានចូលរួមជាមួយម្ចាស់ជើងឯកអ៊ីតាលីនៅឆ្នាំ ២០១៨ និងមានគោលបំណងធំគឺជួយ Juventus ឈ្នះពានឆេមពានលីក។ ទោះបីជាយ៉ាងដូច្នេះគោលបំណងនោះនៅតែមិនទាន់សំរេចនៅឡើយទេ ស្របពេលអតីតខ្សែប្រយុទ្ធ Roma និង Real Madrid រូបនេះលើកឡើងថាវាជាកំហុសដែល Juventus ចុះហត្ថលេខានាំយកម្ចាស់ពានរង្វាន់ Ballon ៥ សម័យពី Real Madrid នាពេលនោះ។
Cassano ត្រូវបានដកស្រង់សម្តីដោយគេទំព័រអ៊ីតាលីឈ្មោះ Corriere dello Sport ថា៖ «Juventus អាច ឈ្នះពានក្នុងស្រុក(SerieA) ដោយគ្មានគាត់។ Ronaldo ដឹងពីរបៀបរកគ្រាប់បាល់ដោយបច្ចេកទេសជើងឆ្វេងមកប្រើជើងស្តាំនិងការប្រើបច្ចេកទេសតែតនិងក្បាល។ មួយវិញទៀត លោក Andrea Pirlo គាត់ចង់អោយ Ronaldoបង្កការភ័យខ្លាចដល់គូបដិបក្សនៅចន្លោះខ្សែបន្ទាត់ គ្រោះថ្នាក់ប៉ុណ្ណោះ ដូច្នេះគាត់និងមិនមានឪកាសបង្កព្យុះភ្លៀងនៅតំបន់ប្រយុទ្ធបានច្រើននោះទេ។ វាលែងណា តែ Juventus និងអាចឈ្នះពាន Champion League»៕
ប្រភពព័ត៍មាន៖ Goal
