បរទេស៖ លោក Pep Guardiola បានបញ្ជាក់ថា ក្រុម Manchester City មិនមែនពេលកំប្លែងលេងជាមួយនឹងក្រុមអ្នកអធិប្បាយឡើយ អំឡុងពេលពួកគេកំពុងស្ថិតក្នុងកម្រិតលេងយ៉ាងល្អឥតខ្ចោះឡើយ ខណៈដែលក្រុមកំពុងនាំមុខលើតារាងក្របខ័ណ្ឌ Premier League សម្លឹងរកការការឈ្នះពាន៤ក្នុងរដូវកាលតែមួយ។
Man City បានបង្កើតកំណត់ត្រាមួយសម្រាប់ក្រុមស្ថិតក្នុងក្របខ័ណ្ឌកំពូលរបស់អង់គ្លេស ក្រោយពីបានកត់ត្រាជ័យជម្នះ២០លើកជាប់ៗគ្នា ក្នុងរាល់យុទ្ធនាការទាំងអស់។ នេះគឺជាការឈ្នះជាប់ៗគ្នាដ៏យូរបំផុតលំដាប់ទី២ ក្នុងចំណោមក្រុមស្ថិតក្នុងក្របខ័ណ្ឌលីកកំពូលៗទាំង៥របស់ទ្វីបអឺរ៉ុប ដោយតាមតែពីក្រោយក្រុម Bayern Munich ដែលឈ្នះ២៣លើកជាប់ៗគ្នាក្នុងឆ្នាំ២០២០ និងក្រុម Real Madrid ដែលឈ្នះ២២លើកជាប់ៗគ្នា កាលពីឆ្នាំ២០១៤ ប៉ុណ្ណោះ។ Man City កំពុងតែនាំមុខ១២ពិន្ទុដាច់លើកំពូលតារាងក្របខ័ណ្ឌ Premier League ហើយនឹងត្រូវប្រកួតដណ្តើមពាន League Cup វគ្គផ្តាច់ព្រ័ត្រ ជាមួយនឹងក្រុម Tottenham ខណៈដែលពួកគេក៏កំពុងតែស្ថិតក្នុងការប្រជែងពាន Champions League និង FA Cup ផងដែរ។ ប៉ុន្តែ លោក Guardiola គ្រូបង្វឹករបស់ក្រុម Man City មិនចង់ឲ្យក្រុមកីឡាកររបស់លោកបែកអារម្មណ៍ដោយសារតែពាក្យសម្តីសរសើរ ស្របពេលត្រូវមានកម្មវិធីប្រកួតដ៏មមាញឹកនៅចំពោះមុខពួកគេឡើយ។
នៅមុនពេលការប្រកួតក្របខ័ណ្ឌ Premier League ជាមួយនឹងក្រុម Wolves នៅរាត្រីនេះ លោក Guardiola បានបញ្ជាក់ថា៖ «យើងគ្មានពេលឡើយ។ យើងមានការប្រកួតជាច្រើន ដោយត្រូវប្រកួត១លើករៀងរាល់៣ថ្ងៃម្តង ហេតុនេះ យើងត្រូវតេសម្រាក និងគិតពីការប្រកួតបន្ទាប់»៕
ប្រភពព័ត៌មាន៖ Channel News Asia