បរទេស៖ ក្រុម Bayern Munich និងខ្សែប្រយុទ្ធជើងចាស់ Robert Lewandowski របស់ពួកគេ នឹងធ្វើជាម្ចាស់ផ្ទះទទួលក្រុម Borussia Dortmund និងតារាឆ្នើមទើបតែរះអន្តរជាតិន័រវែស Erling Braut Haaland ក្នុងការប្រកួតដែលមានឈ្មោះថា «Klassiker» នៅថ្ងៃអាទិត្យ។
ក្រោយពីរកបានគ្រាប់បាល់បញ្ចូលទី២៨គ្រាប់ ក្នុងការប្រកួតលីក២២លើក Lewandowski កំពុងតែស្ថិតលើផ្លូវឆ្ពោះទៅកាន់ការក្លាយជាអ្នករកបានគ្រាប់បាល់ច្រើនជាងគេបំផុតក្នុងក្របខ័ណ្ឌ Bundesliga ក្នុងរដូវកាលជាលើកទី៤ជាប់ៗគ្នា។ ខ្សែប្រយុទ្ធអន្តរជាតិប៉ូឡូញរូបនេះ បានស៊ុតបាល់បញ្ចូលទីដល់ទៅ១៦គ្រាប់ ក្នុងការប្រកួត១៣លើក ក្នុងក្របខ័ណ្ឌលីក។ ក្រោយពីទទួលស្គាល់ថា រូបគេគឺជាអ្នកគាំទ្រ តារាឆ្នើមប៉ូឡូញ Haaland បានប្រាប់ទូរទស្សន៍ន័រវែស ថា៖ «គាត់ជាកីឡាករដ៏អស្ចារ្យ ពោលគឺពិតជាអស្ចារ្យណាស់។ នៅពេលដែលខ្ញុំស៊ុតបាល់បញ្ចូលទី ខ្ញុំតាមពីក្រោយរូបគេត្រឹមតែ១គ្រាប់ទៀតប៉ុណ្ណោះ។ ហើយបន្ទាប់មក គាត់បានស៊ុតបាល់បញ្ចូលទី៣គ្រាប់បន្ថែមទៀត»។
ជាមួយគ្នានេះ កំណត់ត្រានៃការរកបាន៤០គ្រាប់របស់ Gerd Mueller នៅក្នុងរដូវកាលតែមួយក្នុងក្របខ័ណ្ឌ Bundesliga កំពុងតែប្រឈមមុខនឹងការត្រូវបានគេបំបែក។ នៅក្នុងដំណាក់កាលរដូវគ្នានេះ ក្នុងរដូវកាលឆ្នាំ១៩៧១-១៩៧២ Mueller បានស៊ុតបាល់បញ្ចូលទី២៥គ្រាប់ ហើយ Lewandowski រកបាន២៨គ្រាប់៕
ប្រភពព័ត៌មាន៖ Channel News Asia