បរទេស៖ អនាគតរបស់ខ្សែបម្រើ Paul Pogba ជាមួយក្រុមបិសាចក្រហម Manchester United ហាក់បីដូចជាកំពុងស្ថិតក្នុង ស្រមោលស្បែអន្ធកាលដ៏អាប់អួរមួយនាពេលនេះ ។រយៈកាលកន្លងមកភ្នាក់ងាររបស់កីឡាករអន្តរជាតិបារាំង Mino Raiola បានអះអាងកាលពីឆ្នាំមុនថាពេលវេលារបស់ Pogba នៅ Old Trafford ជិតដល់ទីបញ្ចប់ហើយបើទោះបីជារូបគេ ឆ្លើយបដិសេធ នៅក្នុងបទសម្ភាសន៍នាពេលថ្មីៗនេះយ៉ាងណាក៏ដោយ។
ទោះយ៉ាងណាអនាគតរបស់សមជិកជ័យលាភី World Cup ២០១៨រូបនេះនៅតែជាចំនុចរសើបខណៈ Real Madrid និងអតីតក្លឹប Juventus កំពុងតាមដានដោយយកចិត្តទុកដាក់មុនពេលកិច្ចសន្យារបស់ Pogba នឹងត្រូវអស់សុពលភាពនៅ ក្នុងរយៈពេលតិចជាង ១៨ ខែចុងក្រោយនេះ។ផ្ទុយទៅវិញលោក Ole Gunnar Solskjaer នឹងត្រៀមធ្វើការសម្រេចចិត្តដ៏ធំមួយនៅបញ្ចប់រដូវកាល២០២០-២០២១ ប្រសិន Pogba មិនសម្របខ្លួន និង បំពេញតាមលក្ខខណ្ឌថ្មីៗជាមួយក្រុមម្ចាស់ជើងឯកអង់គ្លេស ២០ សម័យនោះទេ។
កីឡាករវ័យ២៧ឆ្នាំរូបនេះ បច្ចុប្បន្នទើបតែរកបាន៣ គ្រាប់និងបង្កើតឪកាសបញ្ចប់ទីបានតែម្តងប៉ុណ្ណោះ ក្នុងការបង្ហាញខ្លួន ១៩ ដងនៅក្របខណ្ឌ Premier League ក្នុងរដូវកាលនេះក៏ព្រោះតែបញ្ហារបួសតាមញាំញី ហើយបច្ចុប្បន្ន Pogba ក៏កំពុង មានមានបញ្ហាសរសៃពួរផងដែរ៕
ប្រភពព័ត៍មាន៖ Sportsmole