បរទេស៖ Sir Alex Ferguson បានផ្តល់បទសម្ភាសន៏នៅឯមហោស្រពភាពយន្ត Glasgow (GFF) ថារូបលោកធ្លាប់មាន ការព្រួយបារម្ភជាខ្លាំងដោយ មិនអាចសូម្បីបញ្ចេញសម្លេងនិងបាត់បង់ការចងចាំ ក្រោយទទួលរងការវះកាត់នូវជំងឺដាច់សរសៃឈាមខួរក្បាលកាលពីឆ្នាំ២០១៨កន្លងទៅហើយកូនបុរសរបស់លោកគឺ Jason ជាអ្នកដឹកនាំការងារនេះ។
អតីតអ្នកចាត់ការទូទៅក្រុមបិសាចក្រហមដែលបានជួយក្លឹប លើកពានPremier League ១៣ដងបាននិយាយថា៖ «ខ្ញុំមិនអាចនិយាយបានទេវាពិតជារឿងគួរអោយខ្លាចណាស់។ ខ្ញុំត្រូវធ្វើការហ្វឹកហាត់ និង ព្យាបាលដោយលំហាត់ប្រាណក្រោយការណែនាំ និងយកចិត្តទូកដាក់សំណាក់ក្រុមគ្រូពេទ្យទីបំផុតខ្ញុំអាចលឺ និងនិយាយបានបន្ទាប់ពីរយៈពេល១០ ថ្ងៃ»។ បន្ទាប់ពីទស្សនាខ្សែភាពយន្តឯកសារដែលរៀបរាប់ពីការដឹកនាំក្លឹបឈ្នះពានរង្វាន់ក្របខ័ណ្ឌ Champions League ពីរដងដោយបានចាក់បញ្ចាំងនៅឯសាលមហោស្រពទីក្រុង Glasgow ប្រទេសស្កុតឡេនដ៏កាលពីថ្ងៃសៅរ៍ Sir Alex បានផ្តល់ បទសម្ភាន៏ប្រាប់ Q& A ថាក្រោយពីទស្សនារូបលោកទទួលស្គាល់ថាបានបាត់បង់ការចងចាំ។ ប៉ុន្តែបន្ទាប់ពីទស្សនាខ្សែភាពយន្តនេះវាបានរំលឹករូបលោកឡើងវិញដោយរៀបរាប់ពីហេតុការណ៏សំខាន់ៗបំផុតនៃជីវិតរបស់គាត់ទាំងនៅក្នុងនិងក្រៅបាល់ទាត់។
កំពូលគ្រូបង្វឹករូបនេះក្រោយជួយ Man Utd ឈ្នះពានសរុប៣៨ បានសម្រចចិត្តចូល និវត្តន៍កាលពីឆ្នាំ ២០១៣ ក្រោយពី ដឹកនាំក្រុម២៦ ឆ្នាំហើយរូបលោកក៏ធ្លាប់មានបទពិសោធន៏ដឹកនាំក្លឹប East Stirlingshire, St Mirren, Aberdeen និងក្រុមជម្រើសជាតិស្កុតឡេនផងដែរ៕
ប្រភពព័ត៍មាន៖ Sportsmole
