បរទេស៖ លោក Sir Alex Ferguson បានចូលរួមក្នុងនាមជាភ្ញៀវកិត្តិយសដើម្បីធ្វើដំណើរទៅលើកទឹកចិត្តជាមួយក្រុមបិសាចក្រហម Man. Utd សម្រាប់ការហោះហើរទៅកាន់ទីក្រុង Gdansk ប្រទេសប៉ូឡូញមុនការប្រកួតព្រឹត្តការណ៏បាល់ទាត់លំដាប់កំពូលទីពីរទ្វីប អឺរ៉ុបEuropa League របស់ពួកគេជាមួយនឹងក្រុម Villarrealមកពីអេស្បាញដែលនិងប្រព្រឹត្តទៅនៅថ្ងៃទី២៦ឧសភាស្អែកនេះ។
ម្ចាស់ជើងឯក២០សម័យអង់គ្លេសកំពុងសម្លឹងឃើញឪកាសឈ្នះពានមួយនេះជាលើកទី២ ក្រោយធ្លាប់ឈ្នះ ពានមួយនេះ ជាលើកដំបូងក្នុងប្រវត្តិសាស្រ្តកាលពី ឆ្នាំ ២០១៧ ក្នុងរជ្ជកាលលោកJose Mourinho នៅដឹកនាំ។ហើយសម្រាប់កំពូលគ្រូបង្វឹកសញ្ជាតិស្កុតឡេនវ័យ៧៩ឆ្នាំលោកFerguson បានចំណាយពេលដ៏មានតម្លៃរបស់លោកដើម្បីរួមចំណែកផ្តល់កំលាំងចិត្តដល់ក្រុមMan.Utdដែលកំពុងរដឹកនាំដោយអតីតកូនក្រុមសំណព្ចចិត្តលោក Ole Gunnar Solskjaerដែលសម្លឹងឪកាសចង់ឈ្នះពានជាលើកដំបូងក្នុងអាជីព ។
អ្នកចាត់ការទូទៅដ៏ជោគជ័យដែលបានដឹកនាំMan.Utdឈ្នះពានPremier League ១៣សម័យ បានអង្គុយនៅកៅអីយន្តហោះជាប់អតីតសហសេវិកលោក David Gill ដែលធ្លាប់កាន់តំណែងជានាយកប្រតិបត្តិរបស់ក្រុម Man United ។បុរសទាំងពីររូបនេះគឺជាបុគ្គលដ៏សំខាន់ដែលធ្លាប់ជួយក្រុមសាងភាពល្បីល្បាញអោយMan. Utd ក្លាយជាក្រុមកំពូលមួយនៅ Premier League អស់រយៈពេលជាច្រើនឆ្នាំមុនពេលអ្នកទាំងពីរបានលាឈប់ក្នុងឆ្នាំ ២០១៣ដូចគ្នា៕
ប្រភពព័ត៍មាន៖ DailyMail
