បរទេស៖ Jurgen Klopp បានទទួលស្គាល់ថារូបលោកកំពុងជួបប្រទះនូវស្ថានភាពធ្លាក់ចុះខ្លាំងបំផុតមួយក្នុងអាជីពជាអ្នកដឹកនាំក្លឹបរយៈពេល ២០ ឆ្នាំបន្ទាប់ពីក្រុមម្ចាស់ជើងឯកអង់គ្លេស Liverpool បន្តចាញ់គូបដិបក្សជាលើកទី៦ជាប់ៗគ្នានៅក្នុងទឹកដី Anfield របស់ខ្លួនឯងកាលពីយប់ថ្ងៃអាទិត្យម្សិលមិញនេះ។
ក្រុមចំណាត់ថ្នាក់ទី១៨បាតតារាង Fulham បានក្លាយជាក្រុមចុងក្រោយដែលបានផ្តួល ហង្សក្រហមនៅកីឡដ្ឋាន Anfield ជាមួយនិងលទ្ធផល១ទល់និង០ស៊ុតបញ្ចូលទីដោយកីឡាករ Mario Lemina សញ្ជាតិហ្គាបុងដែលខ្ចីជើងពីក្រុម Southampton។
Liverpool ដែលឈ្នះជើងឯក Premier League ដោយមានលំដាប់ពិន្ទុ ១៨ ពិន្ទុដាច់កាលពីរដូវកាលមុនមិនដែលមានប្រវត្តិចាញ់ក្នុងទឹកដីដល់ទៅ ៦៨ លើក មុនពេលចាប់ផ្តើមរដូវកាលការពារតំណែងជើងឯកដ៏អាប់អួរនៅរដូវកាលនេះ។ ក៏ព្រោះតែរដូវកាលនេះគឺខុសគ្នាទាំងស្រុងពោលគឺពួកគេទទួលបានត្រឹមតែ ៤៣ ពិន្ទុពី ២៨ ប្រកួតប៉ុណ្ណោះមានន័យថា Liverpool ឃ្លាតកាន់តែឆ្ងាយពីឪកាសប្រជែងតំណែង Top 4 ដើម្បីមានកៅអីទៅលេងនៅ ពានរង្វាន់ទ្វីបអឺរ៉ុប (Champion League) នារដូវកាលក្រោយផងដែរ៕
ប្រភពព័ត៍មាន៖ BBC
