បរទេស៖ Eric Bailly និង Edinson Cavani កំពុងទាមទារចម្លើយពិតពីគ្រូបង្វឹកលោក Ole Gunnar Solskjaer អំពីអនាគតរបស់ពួកគេនៅទឹកដី Old Trafford។ គួរកត់សម្គាល់ថារវាងពួកគេទាំងពីរមិនបានបង្ហាញខ្លួនចូលលេងក្នុងពេល Man Utd ផ្តួលម្ចាស់ផ្ទះ Man City កាលពីថ្ងៃអាទិត្យនោះទេ។
សម្រាប់ខ្សែការពារកណ្តាល Bailly បានផ្ទេរពី Villareal មក Man United ចាប់តាំងពីឆ្នាំ ២០១៦ក្រោមការដឹកនាំរបស់លោក Mourinho ហើយរូបគេចង់បង្ហាញពីភាពស្មោះត្រង់ និងជួយក្លឹបអោយអស់ពីកម្លាំងកាយចិត្តស្របពេលក្រុមម្ចាស់ជើងឯកអង់គ្លេស២០សម័យមានបំណងចង់ទិញខ្សែការពារថ្មីបន្ថែមទៀតមកពង្រឹងតំបន់ការពារនៅរដូវក្តៅខាងមុខ។
គេហទំព័រ The Sun បានចុះផ្សាយថា កីឡាករអន្តរជាតិកូឌីវ័រវ័យ២៦ឆ្នាំរូបនេះមិនមានការជឿជាក់ពីលោក Ole នោះទេ បើទោះបីជារូបគេមានបញ្ហារបួសតាមញាំញីមួយរយៈពេល ប៉ុន្តែនៅតែអាចចូលលេងបាន១៤ប្រកួត។ ទោះយ៉ាងណា Bailly នៅតែមិនអាចប្រជែងតំណែងមួយនេះជាមួយកីឡាករ Victor Lindelof បានពិតប្រកដជាជម្រើស១១នាក់ដំបូងឡើយ។
សម្រាប់ Cavani វ័យ៣៤ឆ្នាំវិញក្រោយផ្ទេរពីក្រុមPSG ដោយគ្មានតម្លៃខ្លួនចូលលេងបាន២៥ប្រកួត និងរកគ្រាប់បាល់បាន៧គ្រាប់យ៉ាងណាក្តី ប៉ុន្តែរូបគេហាក់ទទួលស្គាល់ថាឪកាសចូលលេងនៅមានកម្រិត ស្របពេលកិច្ចសន្យារបស់ខ្សែប្រយុទ្ធអន្តរជាតិអ៊ុយរូហ្គាយរូបនេះ និងផុតកំណត់នៅបញ្ចប់រដូវកាល២០២០-២០២១ខាងមុខ៕
ប្រភពព័ត៍មាន៖ Sportbible
