បរទេស៖ ខ្សែប្រយុទ្ធ Lionel Messi ត្រូវបានផ្តល់សំណើដ៏គួរឲ្យភ្ជាក់ផ្អើលមួយ ពីខ្សែការពារ Sergio Ramos ប្រធានក្រុមនៃក្រុម Real Madrid កាលពីថ្ងៃព្រហស្បតិ៍។
ខ្សែការពារជើងចាស់របស់ក្លិប Real មួយនេះ បាននិយាយថា ប្រសិនបើ Messi ដែលជាតារាឆ្នើមរបស់ក្លិប Barcelona សម្រេចចិត្តចាកចេញពីកីឡដ្ឋាន Camp Nou ដើម្បីផ្ទេរទៅកាន់កីឡដ្ឋាន Bernabeu នៅពេលដែលកិច្ចសន្យារបស់គេអស់សុពលភាពនៅឆ្នាំនេះ រូបគេអាចស្នាក់នៅជាមួយនឹងក្រុមគ្រួសាររបស់ Ramos ក្នុងពេលដែលរូបគេកំពុងតែស្វែងរកផ្ទះនៅ។ នៅពេលដែលត្រូវបានចោទសួរថា រូបគេនឹងស្វាគមន៍ Messi ទៅកាន់ក្លិប Real ឬអត់ Ramos បាននិយាយក្នុងកម្មវិធី Charlando Tranquilamente ថា៖ «ពិតណាស់ ១០០%។ រូបគេស្នាក់នៅជាមួយខ្ញុំបានសម្រាប់រយៈពេល១សប្តាហ៍ដំបូង ឬច្រើនជាងនេះ។ រូបគេអាចស្វែងរកកន្លែងដ៏កក់ក្តៅរបស់ខ្លួន ហើយខ្ញុំពិតជារីករាយណាស់ក្នុងការធ្វើបែបនេះ»។
ខ្សែការពាររូបនេះបានបន្ថែមទៀតថា៖ «អ្នកគាំទ្ររបស់យើង បានជួបការខកចិត្តជាច្រើនលើកដោយសារតែកម្រិតលេងយ៉ាងល្អឥតខ្ចោះរបស់ Messi ដោយសារតែរូបគេនៅជាមួយនឹងក្លិបផ្សេង ហេតុនេះ ការមិនប៉ះប្រកួតជាមួយនឹងរូបគេជារៀងរាល់សប្តាហ៍ នឹងក្លាយជារឿងដ៏អស្ចារ្យ ហើយការមានរូបគេក្នុងក្រុមរបស់យើង នឹងជួយឲ្យយើងឈ្នះ និងទទួលជោគជ័យបន្ថែមទៀត។ ខ្ញុំនឹងល្ងង់ខ្លៅ ប្រសិនបើខ្ញុំនិយាយថា ខ្ញុំស្វាគមន៍នោះ»៕
ប្រភពព័ត៌មាន៖ Channel News Asia