បរទេស៖ ក្រុមកាំភ្លើងធំ Arsenal បានវាយបកតាមពីក្រោយគ្រាប់បាល់បើកឆាកដ៏ល្អរបស់ខ្សែប្រយុទ្ធ Erik Lamela ក្នុងការប្រកួតរវាងក្រុមស្ថិតក្នុងទីក្រុងឡុងដ៍ភាគខាងជើងដូចគ្នា ដើម្បីផ្តួលក្រុម Tottenham ក្នុងលទ្ធផល ២-១ កាលពីថ្ងៃអាទិត្យ ខណៈដែលក្រុម Manchester United និង Leicester បានពង្រឹងទីតាំងរបស់ខ្លួន ក្នុងចំណាត់ថ្នាក់កំពូលទាំង៤ នៅលើតារាងក្របខ័ណ្ឌ Premier League។
Man United បានផ្តួលក្រុមឈរលេខ៥ទាំងប្រផិតប្រផើយក្នុងលទ្ធផល ១-០ តាមរយៈការធ្វើឲ្យបាល់ចូលទីខ្លួនឯងរបស់ Craig Dawson ដើម្បីរក្សាការនាំមុខ១ពិន្ទុលើក្រុម Leicester ដែលបានផ្តួលក្រុមបាតតារាង Sheffield United យ៉ាងចាស់ដៃក្នុងលទ្ធផល ៥-០។ នៅរាត្រីដ៏ខកចិត្តសម្រាប់ក្តីសង្ឃឹមនៃការប្រជែងដណ្តើមលេខ៤របស់ Spurs ក្រុមមាន់ខ្នាយមាសមួយន ក៏បានបាត់បង់តារាឆ្នើម Son Heung-min ដោយសារតែបញ្ហារបួសសរសៃពួរគន្លាក់ជើផងដែរ នាកីឡដ្ឋាន Emirates ស្របពេលដែល Lamela ត្រឹមតែអាចសោកសៅប៉ុណ្ណោះ ក្រោយពីរងពិន័យកាតក្រហម នៅក្នុងតង់ទី២។
លោក Jose Mourinho គ្រូបង្វឹករបស់ក្រុម Spurs បានឲ្យដឹងថា៖ «ខ្ញុំគិតថា យើងបានលេងយ៉ាងអន់នៅតង់ទី១។ លទ្ធផលស្មើ ១-១ មិនមែនជាការឆ្លុះបញ្ជាំងដ៏យុត្តិធម៌នៃតង់ទី១ឡើយ។ យើងលេងអន់ ទន់ខ្សោយក្នុងតំបន់ការពារ មិនមានភាពរឹងមាំ មិនចេះដាក់សម្ពាធ ហើយកីឡាករឆ្នើមៗខ្លះ មិនអាចបញ្ចេញភាពខ្លាំងរបស់ខ្លួនបាន»៕
ប្រភពព័ត៌មាន៖ Channel News Asia
